U Brazilii pačalisia šmattysiačnyja vystupleńni suprać novaha prezidenta ŭ padtrymku staroha
U Brazilii pačalisia šmattysiačnyja pratesty suprać novaha prezidenta Łuisa Inasiu Łuła da Siłva ŭ padtrymku eks-prezidenta Žaira Bałsanaru. Adny pratestoŭcy pajšli šturmavać budynak Kanhresa Brazilii, inšyja — prezidenckuju rezidencyju. Palicyja nie moža spynić pratestoŭcaŭ.
Pratestoŭcy niezadavolenyja vynikami vybaraŭ, jakija prajšli ŭ kastryčniku 2022 hoda i na jakich papiaredni prezident prajhraŭ. Ludzi patrabujuć vajskovaha ŭmiašańnia i źviaržeńnia novaj ułady.
Pratestoŭcy vychodziać u vopratcy ŭ kolerach brazilskaha ściaha, a niekatoryja ź ich niasuć partrety Bałsanaru. Palicyjanty ŭžyli suprać niezadavolenych ślezaciečny haz, ale nie zmahli ich spynić.
Pa paviedamleńniach brazilskich ŚMI, dziejny prezident krainy Łuis Inasiu Łuła da Siłva evakujavany ŭ biaśpiečnaje miesca. Padčas vybuchu pratestaŭ jon znachodziŭsia ŭ pracoŭnaj pajezdcy ŭ štacie San-Paŭłu.
77-hadovy Łuła da Siłva staŭ prezidentam Brazilii paśla pieramohi na prezidenckich vybarach u kastryčniku 2022 hoda, jahonaja inaŭhuracyja adbyłasia 1 studzienia 2023 hoda. Dahetul palityk byŭ prezidentam krainy dva čatyrochhadovyja terminy ŭ 2003-2011 hadach. Hetym razam jon pieramoh z zusim nievialikaj pieravahaj, atrymaŭšy ŭ druhim tury 50,90% hałasoŭ (Bałsanaru — 49,10%). Tym nie mienš sam Bałsanaru pryznaŭ svaju parazu i pieradaŭ uładu apanientu.
-
Prykładna pałova ludziej, jakija vyžyli paśla teraktaŭ 11 vieraśnia, zachvareła na rak
-
U Francyi znoŭ abvastryłasia sprečka vakoł karciny Marka Šahała pad stollu Paryžskaj opiery
-
U Ńju-Jorku adnavili Viežy-bliźniaty ŭ naturalnuju vieličyniu z dapamohaj 2977 dronaŭ — pa kolkaści achviar terakta 11 vieraśnia
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie10
Kamientary
Bo nie zachacieli
A naohuł prajhrać tre ŭmieć. Darečy, Bałsanaru umieje. Łuka nie ŭmieje. A brazilskija pratestoŭcy parušajuć zakon, heta vidavočna)