Ukraina budzie mieć tolki adnu sprobu dla vialikaha kontrnastupleńnia — prezident Čechii
Prezident Čechii Petr Paveł miarkuje, što Ukraina pavinna vykarystoŭvać mahčymaść kontrnastupleńnia ŭ hetym hodzie, bo ŭ dalejšym atrymać dapamohu ad sajuźnikaŭ na novuju sprobu budzie nadzvyčaj składana. Pra heta Paveł zajaviŭ u intervju vydańniu Rzeczpospolita, piša «UP».
«Mnohija krainy, mnohija palityki čakajuć niejkaha prahresu ŭ hetym hodzie. Ja dumaju, što Ukraina budzie mieć tolki adnu sprobu ažyćciavić vialikaje kontrnastupleńnie. Tamu, jak jana vyrašyć pačać vialikaje kontrnastupleńnie i pacierpić niaŭdaču, budzie nadzvyčaj składana atrymać finansavańnie dla nastupnaha», — skazaŭ jon.
Paveł udakładniŭ, što «heta pavinna adbycca na praciahu niekalkich miesiacaŭ».
Prezident Čechii pierakanany, što «akno mahčymaściaŭ adkryta sioleta».
Na jaho dumku, «paśla nastupnaj zimy budzie vielmi ciažka padtrymlivać sioletni ŭzrovień dapamohi».
«Stomlenaść ad vajny — heta nie tolki źniasileńnie čałaviečych resursaŭ i techniki, razbureńnie infrastruktury va Ukrainie, ale i stomlenaść u krainach, jakija akazvajuć dapamohu», — skazaŭ były hienierał NATA.
Kamientary