«Biełavija» dali prava technična absłuhoŭvać rasijskija samaloty
Avijakampanija «Biełavija» atrymała siertyfikat arhanizacyi pa techničnym absłuhoŭvańni ad Rasavijacyi i ciapier zmoža vykonvać techničnaje absłuhoŭvańnie samalotaŭ, zarehistravanych u Rasii, a taksama asobnych katehoryj kampanientaŭ, ustanoŭlenych na hetyja samaloty.
Pres-słužba avijakampanii padkreśliła, što «Biełavija» vałodaje šyrokimi mahčymaściami dla techničnaha absłuhoŭvańnia samalotaŭ: u jaje struktury jość asobnaje śpiecyjalizavanaje padraździaleńnie — avijacyjna-techničnaja baza.
Dyrektar «Biełavija» Ihar Čarhiniec z hetaj nahody zajaviŭ: «Našy supracoŭniki hatovyja pravodzić techničnaje absłuhoŭvańnie inšych kampanij na samym vysokim uzroŭni, zabiaśpiečvajučy biaśpieku palotaŭ».
Uražvać dasiahnieńniami na rasijskim kirunku — faktyčna adzinaje, što zastajecca «Biełavija» paśla taho, jak u vyniku prymusovaj pasadki ŭ Minsku samalota Ryanair z metaj dakazać svaju mahčymaść raspraŭlacca navat z palityčnymi apanientami, što apynulisia za miažoj, režym Łukašenki zrabiŭ nacyjanalnaha pieravozčyka izhojem na Zachadzie.
Kamientary