Asablivy. Žaze Maŭryńju dvojčy za dva siezony vyvieŭ «Romu» ŭ jeŭrakubkavy finał
Hetym razam u finał Lihi Jeŭropy.
«Roma» na čale z partuhalcam vyjšła ŭ finał Lihi Jeŭropy 2022/23, zhulaŭšy 1:0 i 0:0 z «Bajeram».
U finale 31 maja kamanda zhulaje z «Sieviljaj», jakaja vybiła «Juvientus».
U finale Lihi kanfierencyj u hetym hodzie zhulajuć «Fijarencina» i «Viest Chem».
Takim čynam, u finałach jeŭrakubkaŭ budzie pa italjanskim kłubie (u finale Lihi čempijonaŭ zhulajuć «Inter» i «ManSici»).
U siezonie 2021/22 «Roma» pad kiraŭnictvam Maŭryńju vyjhrała Lihu kanfierencyj, abhulaŭšy ŭ finale «Fiejenaard» (1:0).
Taksama Maŭryńju vyjhravaŭ Lihu čempijonaŭ z «Portu» ŭ 2004-m i «Interam» u 2010-m.
Partuhalec uznačaliŭ «Romu» pierad siezonam 2021/22. Za dva siezony ŭ kamandzie jon vyvieŭ «Romu» ŭ dva jeŭrakubkavyja finały.
Praŭda, raniej kiraŭnictva rymskaha kłuba kazała, što skasuje kantrakt z Asablivym (mianuška treniera), kali toj nie vyviedzie kłub u Lihu čempijonaŭ. A zaraz kłub u čempijanacie Italii tolki šosty, i adstavańnie ad zony ŁČ składaje šeść bałaŭ (z «Juvientusa» źniata 10 bałaŭ).
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary