U Novaj Baravoj źjavilisia niezvyčajnyja art-abjekty. Ich stvaryli znakamityja architektar i skulptar
Niadaŭna ŭ Novaj Baravoj źjavilisia dźvie novyja skulptury — čałaviek, jaki mianiaje lampačku, i pavietrany šar. Hetyja art-abjekty — častka prajekta A-100 Art, u ramkach jakoha zabudoŭščyk intehruje mastactva ŭ svaje žyłyja kompleksy, piša Realt.
Dva art-abjekty pad nazvami «Uvierch» i «Mianiajem śviatło» źjavilisia ŭnutry kruhavych skryžavańniaŭ na vulicy Avijacyjnaj. Raboty vykanany zasłužanym architektaram Biełarusi Juryjem Hradavym i skulptaram Kanstancinam Sielichanavym.
Naohuł dadavać mastactva ŭ svaje prajekty kampanija «A-100 Deviełapmient» pačała daŭno. Spačatku heta byli ścipłyja malunki na fasadzie: pamiatajecie dziaŭčynku z šarami na fasadzie doma ŭ Sienicy? Zatym byli murały ŭ Novaj Baravoj («Vitruvijanski čałaviek» i inšyja). Paźniej sprava dajšła da viadomych skulptur — čajek u «Pirsie» i žoŭtych samalocikaŭ u Novaj Baravoj.
«U 2019 hodzie my raspracavali cełasnuju stratehiju pa ŭkaranieńni sučasnaha mastactva ŭ našy žyłyja kompleksy. Tak źjaviŭsia novy napramak dziejnaści — A-100 Art, — adznačyła hienieralny dyrektar HK «A-100 Deviełapmient» Śviatłana Šeŭlik. — My stali pieršym u Biełarusi zabudoŭščykam, jaki pačaŭ intehravać mastactva ŭ svaje prajekty na takim vysokim uzroŭni. Naprykład, u kvartale DEPO ŭ łobi pieršych damoŭ źjavilisia karciny biełaruskaj mastački Taćciany Radziviłki».
Što da źjaŭleńnia art-abjektaŭ u Novaj Baravoj, to hetaj padziei papiaredničała vialikaja praca: konkurs, dziasiatki ŭdzielnikaŭ, žury, strohi adbor. U vyniku ŭsich dyskusij u kvartale było vyrašana ŭstanavić dźvie skulptury.
Kampazicyja «Uvierch» ujaŭlaje saboj jarki pavietrany šar, jaki imkniecca ŭźniacca ŭ nieba.
«Mianiajem śviatło» — taksama ŭvasableńnie abnaŭleńnia, ruchu ŭvierch i raźvićcia.
U A-100 Art paabiacali, što kvartał čakajuć i novyja ekśpierymienty.
Čytajcie taksama:
Stała viadoma, jak źmienicca 2-ja paliklinika ŭ Minsku
«U trendach dačy». Ekśpierty raskazali, što adbyvajecca z prodažam damoŭ i što budzie dalej
Za kolki kuplajuć kvatery ŭ elitnym novym kvartale kala płoščy Pieramohi?
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary