Amlet ź piercam, syram, cybulaj i viandlinaj — recept i jak hatavać

U hetaha papularnaha recepta jość niekalki nazvaŭ: jaje nazyvajuć i zachodni amlet, i denvierski amlet, i amierykanski amlet, i prosta amlet z harodninaj i sasiskami. Asabliva papularny taki śniadanak u žycharoŭ paŭdniova-zachodnich štataŭ ZŠA.

Hetaja sytnaja strava idealna padydzie dla śniadanku napiaredadni nasyčanaha dnia, u jaki zapłanavana šmat spraŭ ci aktyŭnaściaŭ. Istotnaja pieravaha — dla denvierskaha amleta spatrebiacca inhredyjenty, jakija, mahčyma, užo jość na vašaj kuchni.

Spatrebicca:

• 5 vialikich jajek
• sol i mołaty čorny pierac. Nahadajem, što kali jon śvieža pamołaty, to bolš aramatny
• 55 h syru (čedaru ci inšaha)
• trochi papryki, parezanaj kubikami pamieram kala 1,5 sm
• 70 h viandliny (skryločki try), narezanaj kavałačkami kala 1,5 sm
• ščopać vendžanaj papryki

Jak hatavać:

1. U siaredniaj miscy prypraŭcie jajki sollu i piercam, zatym uźbicie da atrymańnia adnastajnaj pieny. Adstaŭcie ŭbok.
2. Pakładzicie syr u haračatryvałuju misku siaredniaha pamieru. U 25-santymietrovaj patelni z antypryharnym pakryćciom rastapicie 1 stałovuju łyžku masła na siarednim ahni, pamiešvajučy, pakul jano nie padrumianicca. Dadajcie papryku i cybulu, prypraŭcie sollu i hatujcie, čas ad času pamiešvajučy, pakul jany nie stanuć miakkija i nie pačnuć padsmažvacca — kala šaści chvilin. Dadajcie viandlinu i hatujcie, pieryjadyčna pamiešvajučy, pakul harodnina i viandlina nie padsmažacca miescami i nie zapachnuć pryjemnym dymkom — jašče prykładna 5 chvilin. Dadajcie vendžanuju papryku i čorny pierac. Pakładzicie harodninu i viandlinu ŭ syr i pieramiašajcie.
3. Pratrycie patelniu i pastaŭcie na siaredni ahoń. Dadajcie astatniuju adnu stałovuju łyžku masła i hatujcie, pakul jano nie rastanie i nie pasmažycca. Znoŭ uźbicie jajki da źjaŭleńnia pieny, zatym dadajcie ŭ patelniu i hatujcie, ssoŭvajučy silikonavaj łapatkaj krai da centra i nachilajučy patelniu, kab raźmierkavać syroje jajka źnizu. Praciahvajcie ssoŭvać jajki pa krajach i nachilać patelniu, pracujučy pa ŭsim pierymietry patelni, pakul amlet amal nie zastynie — prykładna 45 siekund.
4. Pasypcie pałovu amleta viandlinaj, harodninaj i syram, źnimicie z ahniu, nakryjcie viečkam i dajcie amletu nastajacca da taho času, pakul jon amal ci całkam nie pryhatujecca źvierchu (u zaležnaści ad taho, jakaja kansistencyja vam padabajecca) — kala 1 chviliny.
5. Silikonavaj łapatkaj adździalicie krai amleta ad patelni i strasianicie patelniu, kab pierakanacca, što jon nie prylip. Akuratna składzicie amlet napałovu, kab zakryć načyńnie, zatym pierakładzicie jaho na talerku i adrazu ž padavajcie.

• 6
• 0
• 2
• 4
• 0
• 0
• 2
• 0