Inkasataraŭ źbirajucca vykarystoŭvać u kontrterarystyčnych apieracyjach
Siońnia deputaty Pałaty pradstaŭnikoŭ pryniali adrazu ŭ pieršym i druhim čytańniach papraŭki ŭ zakony pa pytańniach baraćby z teraryzmam.
Jak paviedamlaje pres-słužba nižniaj pałaty Nacyjanalnaha schodu, orhany dziaržbiaśpieki nadzialajucca paŭnamoctvami pa kaardynacyi dziejnaści subjektaŭ, jakija niepasredna ažyćciaŭlajuć baraćbu z teraryzmam (za vyklučeńniem słužby biaśpieki prezidenta), a taksama inšych dziaržorhanaŭ i inšych arhanizacyj pry realizacyi imi paŭnamoctvaŭ u śfiery baraćby z teraryzmam.
Słužby inkasacyi ŭ zonie kontrterarystyčnaj apieracyi ciapier možna budzie pryciahvać da achovy abjektaŭ, supravadžeńnia i zabieśpiačeńnia biaśpieki fizičnych asob i transpartnych srodkaŭ.
Rabotniki hetych słužbaŭ u vypadku pryciahnieńnia da kontrterarystyčnaj apieracyi atrymlivajuć prava na prymianieńnie fizičnaj siły, zbroi ŭ paradku i na ŭmovach, ustanoŭlenych dla rabotnikaŭ vajenizavanaj achovy.
Taksama, paviedamlaje pres-słužba, u zakonie vyznačanyja adzinyja padychody ŭ pytańniach kampiensacyi subjektam baraćby z teraryzmam materyjalnych strataŭ, pryčynienych ich majomaści ŭ chodzie praviadzieńnia kontrterarystyčnaj apieracyi. Taksama ŭdakładniajucca praviły prymianieńnia zbroi supracoŭnikami orhanaŭ dziaržbiaśpieki. Padrabiaznaści pra heta pakul nieviadomyja.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary