U novym vypusku TOKu lidarka demakratyčnych siłaŭ Biełarusi Śviatłana Cichanoŭskaja patłumačyła, čamu ŭ jaje kamandzie nie zastałosia ludziej z «Krainy dla žyćcia», čamu nie zvalniaje Franaka Viačorku, i jak traplajuć ludzi ŭ jaje Ofis.
Padčas tok-šou Śviatłana Cichanoŭskaja adkazała na šerah pytańniaŭ ad hledačoŭ kanału i čytačoŭ «Našaj Nivy». Pryvodzim adkazy na niekatoryja ź ich.
Čamu ŭ vašaj kamandzie nie zastałosia nikoha z staroj kamandy «Krainy dla žyćcia», tych, chto byŭ z vami ad pačatku?
Adkazvajučy na heta pytańnie, Śviatłana zhadała, što ludzi z kamandy «Krainy dla žyćcia» pracavali ź joju jašče ŭ 2020-m hodzie. Ciapier, sapraŭdy, ich nie zastałosia.
«Ludzi sami vybirajuć svoj šlach. Niechta źjechaŭ u inšyja krainy, niechta adyšoŭ ad demakratyčnaj baraćby. Niechta robić svoj biznes zaraz. Ja viedaju, što ŭ Mašy Maroz svaja arhanizacyja ŭ Varšavie».
Čamu Franak Viačorka vaš daradca, adkul jon zjaviŭsia, jakija ŭ jaho paŭnamoctvy, kab raić vam? Vas my vybirali, a jaho nie. Čamu vy nie zvolnili Franaka Viačorku?
Cichanoŭskaja zhadała, što Franak Viačorka dałučyŭsia da kamandy ŭ 2020-m hodzie. «Jon vielmi chutka pryjechaŭ. Heta vielmi daśviedčany čałaviek. Jon pobač sa mnoju pracuje try hady, i ja vielmi zadavolenaja jaho pracaj. Z čaho mnie jaho zvalniać?», — ździviłasia Cichanoŭskaja i adznačyła, što absalutna jamu daviaraje.
Jak traplajuć ludzi ŭ Ofis Cichanoŭskaj? Chto rekamiendavaŭ uziać na pracu Kavaleŭskaha i Jahorava?
Lidarka demakratyčnych siłaŭ Biełarusi raspaviała, što ŭ jaje Ofis ludzi traplajuć pa-roznamu. Niekaha rekamiendujuć. Niekatorych imknucca ŭziać da siabie, pahladzieŭšy na ich dziejnaść u hramadzianskaj supolnaści.
Zhadvajučy pra svajho namieśnika pa mižnarodnych spravach Valeryja Kavaleŭskaha, Cichanoŭskaja raspaviała, što jon pryjšoŭ u kamandu ŭ 2020-m hodzie: «Chiba što jon zajaviŭ ab svaim žadańni pracavać razam navat da taho, jak jaho pasadzili na niekalki sutak u Biełarusi. Potym jon pryjechaŭ».
Adnosna śpikiera Kaardynacyjnaj rady Andreja Jahorava Śviatłana raspaviała, što sustrakałasia ź im jašče ŭletku 2020 hoda jak z ekśpiertam. «Ja jaho nie viedała, ale ŭ jaho była svaja hramadskaja dziejnaść. Pryjšoŭ jon našmat paźniej, kab pracavać ź jeŭrastrukturami. Tut jon vielmi dobra aryjentujecca. Ale potym syšoŭ u Kaardynacyjnuju radu».
Hladzicie całkam:
Cichanoŭskaja pra Prakopjeva: U čałavieka šmat enierhii, šmat što choča realizavać, ale niejak usio kidaje
Cichanoŭskaja źviarnułasia da Julii i Alaksieja Navalnych
Cichanoŭskaja adkazała, ci zmoža prabačyć Łukašenku
Cichanoŭskaja adkazała pabliku «Sovietskaja Biełoruśsija», jaki nazyvaje jaje chuntesaj
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»11
Kamientary