Biełarus padaŭ zajaŭku na polski adbor na «Jeŭrabačańnie». Što za jon?
Biełaruski stendap-komik Dźmitryj Saŭjan padaŭ zajaŭku na ŭdzieł u papiarednim adbory na Jeŭrabačańnie ad Polščy. Navinu pra heta jon raźmiaściŭ na svajoj staroncy ŭ tyktoku. Pad psieŭdanimam Pan Savyan jon trapiŭ u śpis udzielnikaŭ, apublikavany fanackim resursam Eurowizja.org, piša Most.
Biełarus pakaža kampazicyju W Kolorku Amaretto, ź jakoj jon užo vystupaŭ na navahodnim kancercie na polskim radyjo RMF FM.
Akcior raskazvaŭ, što prydumaŭ pieśniu, vypadkova pačuŭšy razmovu dźviuch žančyn, adna ź jakich raspaviadała, što kupiła koftu koleru amareta. Heta naviejała jamu niešta z 1970-ch i zdałosia vielmi paetyčnym.
Da pačatku vajny Dźmitryj žyŭ u Kijevie, pracavaŭ na kanale 1+1, zdymaŭsia ŭ sieryjałach, vystupaŭ jak stendap-komik. Paśla rasijskaha ŭvarvańnia vyrašyŭ pierajechać u Polšču, dzie jašče da taho skončyŭ u Varšavie dvuchhadovy akciorski kurs. Tamu na momant pierajezdu ŭ jaho ŭžo byli znajomstvy ŭ akciorskaj śfiery i bazavaje viedańnie movy.
U Polščy Dźmitryj praciahnuŭ zdymacca ŭ kino. Naprykład, jaho možna budzie pabačyć u adnym z epizodaŭ histaryčnaha sieryjała Matylda, jaki vyjdzie ŭ hetym hodzie. Biełarus tam syhraŭ rolu ruskaha revalucyjaniera.
Taksama chłopiec zajmajecca muzykaj i vystupaje sa stendapami. U tyktoku jon vykładaje muzyčnyja kampazicyi z prostymi frazami pa-polsku nakštałt «Dzień dobry, cześć, kurwa bober», «Idę do pracy, wracam z pracy».
Sioleta «Jeŭrabačańnie» projdzie ŭ šviedskim Malmio.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary