Ratavalnik sa Śvietłahorska zamianiŭ čyrvona-zialony ściah na ŭkrainski. Jaho adpravili ŭ kałoniju
Sud Śvietłahorskaha rajona vynies vyrak žycharu pasiołka Sasnovy Bor Valeryju Samsonienku.
41-hadovy Valeryj Samsonienka pryhavorany da hoda kałonii pa artykule 370 Kryminalnaha kodeksa (ździek ź dziaržaŭnych simvałaŭ).
U noč na 14 kastryčnika 2023 h. u centry Sasnovaha Bora jon źniaŭ z fłahštoka i vykinuŭ u śmietnicu čyrvona-zialony ściah, a na jaho miesca prymacavaŭ ściah Ukrainy.
Valeryja nieŭzabavie vyličyli pa kamiery videanazirańnia, ustalavanaj na budynku sielsavieta.
Valeryj Samsonienka raniej pracavaŭ u Śvietłahorskim rajonnym adździele pa nadzvyčajnych situacyjach, ale zvolniŭsia adtul, paviedamlaje «Homielskaja viasna».
Kamientary