Karł III ŭpieršyniu źjaviŭsia na publicy paśla taho, jak u jaho vyjavili rak
Kala bramy pryvatnaha majontka, dzie znachodzicca carkva, sabrałosia kala sotni ludziej, ale na terytoryju ich nie puścili.
Brytanski karol Karł III upieršyniu źjaviŭsia na publicy paśla taho, jak Bukinhiemski pałac abviaściŭ, što ŭ manarcha vyjaŭleny rak, piša Bi-bi-si.
Karol naviedaŭ carkvu Śviatoj Maryi Mahdaliny ŭ Sandrynhiemie, hrafstva Norfałk, razam sa svajoj žonkaj, karalevaj Kamiłaj.
Kala bramy pryvatnaha majontka, dzie znachodzicca carkva, sabrałasia kala sotni ludziej, ale na terytoryju ich nie puścili.
Raniej Karł vykazaŭ sardečnuju padziaku za słovy padtrymki z boku hramadskaści ŭ svajoj pieršaj zajavie paśla taho, jak u jaho dyjahnastavali hetuju chvarobu.
«Jak viadoma ŭsim, chto paciarpieŭ ad raku, takija dobryja pažadańni źjaŭlajucca najvialikšym suciašeńniem i padtrymkaj», — havorycca ŭ zajavie 75-hadovaha manarcha.
Bukinhiemski pałac raspavioŭ pra dyjahnaz Karła ŭ minuły paniadziełak.
Karol lečycca ad raku (jakoha mienavita typu — nie vydajecca) i znachodzicca ŭ svaim majontku ŭ Sandrynhiemie.
Chvaroba jaho była vyjaŭlenaja ŭ studzieni, kali jon prachodziŭ lačeńnie ŭ suviazi z pavieličeńniem prastaty. Pradstaŭniki karaleŭskaj siamji paćvierdzili, što heta nie rak prastaty.
«Pryjemna čuć, što apoviad ab maim ułasnym dyjahnazie dapamoh pavysić hramadskuju daśviedčanaść i pralić śviatło na pracu ŭsich tych arhanizacyj, jakija padtrymlivajuć chvorych na rak i ich siemji ŭ Vialikabrytanii i va ŭsim śviecie», — napisaŭ Karł III padziačnym pasłańni.
«Ja zaŭsiody zachaplaŭsia ich niastomnym kłopatam pra inšych i addanaściu svajoj spravie, a ciapier zachaplajusia jašče bolš dziakujučy majmu asabistamu dośviedu», — dadaŭ jon.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary