U Polščy kiroŭcy prykryvajucca biełarusami, kab nie płacić štrafy za pieravyšeńnie chutkaści
Z uzmacnieńniem žorstkaści pakarańnia za parušeńnie chutkasnaha režymu polskija kiroŭcy prydumlajuć novyja sposaby paźbiehnuć adkaznaści. Dla hetaha jany karystajucca napružanaj situacyjaj na ŭschodniaj miažy, piša Rzeczpospolita.
Jašče niadaŭna štraf u Polščy za nieraskryćcio asoby, jakaja ŭčyniła pravaparušeńnie, aŭtamatyčna nakładaŭsia na ŭładalnika transpartnaha srodku. Jaho pamier byŭ vyznačany ŭ 500 złotych (kala 410 rubloŭ).
Mnohija kiroŭcy, kab paźbiehnuć štrafnych bałaŭ, pahadžalisia na taki varyjant, choć sami fihuravali na fota z radara abo viedali čałavieka, jaki ŭ hety momant kiravaŭ aŭtamabilem. Ale ciapier u Polščy štrafy vyraśli. Nieraskryćcio asoby kiroŭcy transpartnaha srodku, jaki stvaryŭ niebiaśpieku ŭ darožnym ruchu, kaštuje minimum 2000 złotych (kala 1600 rubloŭ).
Pavodle vydańnia, kiroŭcy znajšli ščylinu ŭ sistemie, dakładniej, jany karystajucca adsutnaściu efiektyŭnych sistem abmienu piersanalnymi danymi ab kiroŭcach pamiž słužbami krain, jakija ŭvachodziać u ES i jakija ŭ jaje nie ŭvachodziać.
Słužby takich krain, jak Biełaruś i Ukraina nie supracoŭničajuć z polskaj palicyjaj, tamu pravierka praŭdzivaści padadzienych źviestak i, pierš za ŭsio, pakarańnie pravaparušalnika mohuć być niemahčymymi. U vyniku bolšaść takich spraŭ, jakija dachodziać da suda, zakryvajuć.
Zamiest taho kab pryznacca ŭ pieravyšeńni chutkaści, palaki padajuć u sud danyja ab tym, što za rulom byŭ biełarus ci ŭkrainiec. A palicyja nie moža pravieryć, ci praŭda heta. Chacia ŭ Polščy za pradstaŭleńnie iłžyvych źviestak možna atrymać try hady turmy.
Čytajcie taksama:
Polski Kanhres žančyn źviarnuŭsia da palitykaŭ paśla śmierci zhvałtavanaj biełaruski
U polskim Ščecinie mašyna ŭlacieła ŭ ludski natoŭp, dziasiatki paciarpiełych
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram3
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary