Vierniki razvažajuć, što stała pryčynaj: masavyja hulańni z nahody «Maślenicy» ŭ toj ža dzień abo mahčymyja niedakładnaści pry padačy zajaŭki.
Pa šmathadovaj tradycyi ŭ piatuju niadzielu Vialikaha postu katalickija vierniki Baranavičaŭ pravodziać ahulnaharadski Kryžovy šlach. Adnak sioleta miascovyja ŭłady nie dali dazvoł na praviadzieńnie mierapryjemstva, jakoje płanavałasia na 17 sakavika, piša katolik.life.
Aficyjnaj infarmacyi pra heta niama, i pryčyna admovy nie nazvanaja, ale hetuju temu abmiarkoŭvajuć u parafijalnych čatach i razvažajuć pra toje, ci nie źviazana takoje rašeńnie z tym, što na toj ža dzień u rajcentry zapłanavany masavyja hulańni z nahody «Maślenicy».
Kryžovy šlach (nabaženstva, padčas jakoha vierniki ŭšanoŭvajuć padziei Straściej Chrystovych) pa vulicach horada staŭ svojeasablivaj vizitnaj kartkaj duchoŭnaj kultury Baranavičaŭ. U vieličnaj pracesii sotni viernikaŭ išli pa centralnaj častcy horada, razvažajučy nad prypynkami Kryžovaha šlachu.
Mužčyny nieśli na plačach vialiki ciažki kryž — znak zbaŭčaj muki i śmierci Isusa Chrysta, vierniki malilisia za carkvu, Ajčynu, roznyja hrupy ludziej.
Ale sioleta piataja niadziela Vialikaha postu ŭ katalikoŭ supała z apošnim dniom pierad pačatkam Vialikaha postu ŭ pravasłaŭnych.
Zvyčajna na hetuju datu pryznačajuć maśleničnyja hulańni, jakija adnak, nie majuć amal ničoha ahulnaha z chryścijanstvam — bolš za toje, padčas takich mierapryjemstvaŭ praktykujuć pahanskija abrady. U pryvatnaści, prahrama «Maślenicy» ŭ Baranavičach uklučaje spalvańnie pudziła, a taksama raznastajnyja zabavy, spabornictvy, vystavy.
Ułady mahli nie ŭzhadnić prapanavany maršrut Kryžovaha šlachu, jaki zvyčajna startuje ad kaścioła Uzvyšeńnia Śviatoha Kryža, raźmieščanaha niedaloka ad parku 30-hodździa VŁKSM, dzie z ranicy da viečara ŭ niadzielu buduć ładzić hulańni.
Vidavočna, što času dla płanavańnia inšaha maršrutu i padačy novaj zajaŭki ŭžo nie dastatkova — kali b pytańniem zanialisia raniej, mahčyma, jaho ŭdałosia b vyrašyć stanoŭča. Taksama byŭ by čas i na toje, kab vypravić vierahodnyja farmalnyja niedakładnaści, na jakija mahli spasłacca ŭłady pry admoŭnym adkazie na prośbu ab praviadzieńni mierapryjemstva.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj8
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary