U Kitai abrynułasia chutkasnaja aŭtamahistral, dziasiatki zahinułych i paranienych
Na poŭdni Kitaja z-za mocnych daždžoŭ abrynułasia častka chutkasnaj aŭtamahistrali, u vyniku čaho zahinuli 24 čałavieki. Pra heta paviedamiła Centralnaje kitajskaje telebačańnie sa spasyłkaj na miascovyja ŭłady.
Usiaho pad zavałami znajšli 20 mašyn, u balnicach zaraz znachodziacca 30 čałaviek, ich žyćciam ničoha nie pahražaje.
Adznačajecca, što aŭtamahistral abrynułasia z-za mocnych apadkaŭ u pravincyi Huandun.
Incydent adbyŭsia prykładna ŭ 02.10 na trasie, jakaja złučaje pravincyi Huandun i Fucziań. Abrynuŭsia ŭčastak praciahłaściu kala 18 mietraŭ, płošča abvalvańnia skłała prykładna 185 kvadratnych mietraŭ. Darohu zakryli, tam pracujuć supracoŭniki ekstrannych słužbaŭ.
Mocnyja apadki nie źjaŭlajucca redkaściu dla pravincyi Huandun, ale ciapier jany niezvyčajna mocnyja. Mnohija ručai ŭ delcie raki Žamčužnaj niebiaśpiečna raźlilisia. Paviedamleńni pra pavodki pastupajuć taksama z haradoŭ i viosak na poŭnač i poŭdzień ad horada Huančžoŭ.
Apoŭźni ličacca asabliva niebiaśpiečnymi ŭ hornych rajonach Kitaja padčas mocnych daždžoŭ. U kancy studzienia bolš za 30 čałaviek zahinuli ŭ vyniku mocnaha apoŭźnia ŭ adnoj ź viosak na paŭdniovym zachadzie krainy.
Štohod u Kitai ŭ vyniku ŭrahanaŭ, pavodak i inšych stychijnych biedstvaŭ hinie pa niekalki sotniaŭ čałaviek.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać22
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary