Śpikier parłamienta Hruzii padpisaŭ zakon ab zamiežnych ahientach. Z hetaha dnia jon nabyvaje moc
Zakonaprajekt «Ab prazrystaści zamiežnaha ŭpłyvu» abaviazvaje niaŭradavyja arhanizacyi, bolš za 20% finansavańnia jakich pastupaje z-za miažy, zarehistravacca ŭ jakaści «zamiežnych ahientaŭ». Śpikier parłamienta Hruzii Šałva Papuašvili padpisaŭ zakon.
«Siońnia ja padpisaŭ zakon ab prazrystaści zamiežnaha ŭpłyvu. Hałoŭnaja meta hetaha zakona — dakazać ustojlivaść palityčnaj, ekanamičnaj i sacyjalnaj sistem Hruzii da źniešniaha ŭmiašańnia», — zajaviŭ jon.
U bližejšyja miesiacy ŚMI i arhanizacyi, jakija atrymlivali bolš za 20% dachodu z-za miažy, pavinny buduć padać zajavu ab rehistracyi ŭ jakaści arhanizacyj z zamiežnym upłyvam.
18 maja prezident Hruzii Sałome Zurabišvili nakłała vieta na zakon. Jana adznačyła, što zakon supiarečyć jeŭrapiejskim pamknieńniam Hruzii.
28 maja na pasiadžeńni parłamient bolšaściu hałasoŭ pieraadoleŭ vieta prezidenta. Paśla pieraadoleńnia vieta dakumient na praciahu piaci dzion pavinien padpisać prezident, u vypadku jaho admovy zakonaprajekt padpisvaje śpikier parłamienta.
Prarasijski zakonaprajekt vyklikaŭ masavyja pratesty ŭ krainie, jakija skončylisia ničym.
U Tbilisi razhramili ofis najbujniejšaj hruzinskaj apazicyjnaj partyi
Hruzija maje namier da 2030 hoda viarnuć Abchaziju i Paŭdniovuju Asieciju i stać členam ES
ZŠA ŭviaduć vizavyja sankcyi za padryŭ demakratyi ŭ Hruzii
Čatyry krainy ES prapanavali admianić biaźvizavy režym z Hruzijaj, kali Tbilisi prymie zakon ab zamiežnych ahientach
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe16
Kamientary