Hramadstva55

Hałoŭny doktar i supracoŭnica sanatoryja «Biełaruś» u Druskienikach atrymali vializnyja terminy za špijanaž 

Šeść hadoŭ pazbaŭleńnia voli — taki prysud nibyta za ahienturnuju dziejnaść vynies siońnia Minski haradski sud Alenie Ramanaŭskienie, supracoŭnicy sanatoryja «Biełaruś» u litoŭskich Druskienikach.

Razhlad spravy prachodziŭ u zakrytym režymie. Pavodle viersii śledstva, zahadčyca markietynhavaj słužby i dyrektar sanatoryja byli zavierbavanyja litoŭskaj śpiecsłužbaj bolš za 10 hadoŭ tamu, piša ANT. 

«Jany nieadnarazova padavali źviestki pra pastajalcaŭ, jakija prybyvali na adpačynak, u tym liku i pra vysokapastaŭlenych biełaruskich čynoŭnikaŭ», — paviedamlaje telekanał.

Pavodle abvinavačańnia, supracoŭniki pieradavali litoŭskaj śpiecsłužbie roznyja dakumienty, a dyrektar ustanovy daŭ padpisku ab sakretnym supracoŭnictvie z DDB i rehularna braŭ chabary. Jaho asudzili na 9 hadoŭ pazbaŭleńnia voli, jon užo adbyvaje pakarańnie, piša ANT.

Imavierna, prapahandysty majuć na ŭvazie byłoha hałoŭnaha ŭrača biełaruskich sanatoryjaŭ u Druskienikach i Sočy Andreja Kobiela. Sud nad im pačaŭsia 16 žniŭnia ŭ Minskim haradskim sudzie ŭ zakrytym režymie. Kobiela abvinavačvali pavodle artykuła «Zdrada dziaržavie», jak vynikała z raskładu suda. Pra prysud ničoha nie paviedamlałasia. 

Andrej Kobiel pracavaŭ hałoŭnym uračom u sanatoryi «Biełaruś» u Druskienikach, a paśla — na toj ža pasadzie ŭ sanatoryi ŭ Sočy. Paźniej kiravaŭ adździełam RNPC u Minsku.

Pra Kobiela raskazvali na dziaržtelebačańni ŭ śniežni 2023 hoda. Pavodle aficyjnaj viersii, jaho nibyta zavierbavali litoŭskija śpiecsłužby pad pahrozaj šantažu. Ad jaho, jak śćviardžałasia, patrabavałasia źbirać i pieradavać źviestki pra tych, chto adpačyvaje ŭ sanatoryjach, a taksama źviestki pra rezidencyju Alaksandra Łukašenki ŭ Sočy, jakaja znachodzicca na terytoryi sanatoryja. Taksama śćviardžałasia, što jon uładkoŭvaŭ na pracu supracoŭnikaŭ pa patrabavańni Departamienta dziaržbiaśpieki Litvy.

59-hadovaja Alena Ramanaŭskienie — hramadzianka Litvy, uradženka Biełarusi. Zatrymać jaje mahli letaś, kali jana viartałasia ŭ Litvu ź Biełarusi, dzie naviedvała rodnych. Svajaki žančyny ad kamientaroŭ litoŭskamu vydańniu admovilisia.

Kamientary5

  • Anton
    11.06.2024
    A počiemu by litovskoj słužbie biezopasnosti nie zadierživať ahienturu khb na tierritorii Litvy, čtoby potom obmieniať na svoich hraždan, kotorych riežim sudit?
  • Pačni ź siabie
    11.06.2024
    Anton, pryjdzie čas - zatrymajuć. Bolšaść tak zvanych biełaruskich palituciekačoŭ zavierbavanyja, bolšaść ź ich sami pryznavalisia, dyk dzie Vaš zvarot da aficyjnych uładaŭ ES ab pryciahnieńni ich da adkaznaści (a moža i departacyi)?
  • Alaksandr
    11.06.2024
    Pieradavali Litvie danyja pra pastajalcaŭ. To bok, zakon patrabuje pieradavać źviestki pra pastajalcaŭ, jany pieradavali i tamu špijony: https://chekin.com/en/blog/european-guest-register-legislation/

    Viedajuć sabaki režymu, što ŭsie suprać ich, tamu nikaho nie škadujuć. Robiać płan. Zahadali sadzić pa 100 čałaviek u miesiac - treba sadzić. I na ŭsialaki vypadak, trošku pierarabić płan, kab kiraŭnictva pachvaliła. 

Ciapier čytajuć

Zatrymali kiraŭnictva Kvitki.by11

Zatrymali kiraŭnictva Kvitki.by

Usie naviny →
Usie naviny

Pasoł ES napisała, što jana dumaje pra Rasiju paśla ŭdaru pa Kijevie, jaki začapiŭ misiju Jeŭrasajuza15

U Minsku znoŭ zaŭvažyli vialikuju čarhu2

Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»15

Pamiž Karłsanam i «Čornym lusterkam»: vychodzić novy biełaruski detektyŭ dla dziaciej2

Jak Łukašenka dapamahaje Rasii handlavać ałmazami ŭ abychod sankcyj — novaje rasśledavańnie «Biełpoł»3

Kolkaść zahinułych u Kijevie vyrasła da 12, siarod ich troje dziaciej4

Rasijanin zabiŭ znajomaha, pajechaŭ na vajnu i zavioŭ błoh. Jon kaža, što lepš vajna, čym emihracyja3

«Jany mianie saromiejucca». Jak praz 12 hadoŭ žyvie biełaruska, što naradziła dvajniat u 54 hady47

Kolki kaštuje dajechać da Vilni ci Varšavy na pryvatnym tranśfiery?

bolš čytanych navin
bolš łajkanych navin

Zatrymali kiraŭnictva Kvitki.by11

Zatrymali kiraŭnictva Kvitki.by

Hałoŭnaje
Usie naviny →

Zaŭvaha:

 

 

 

 

Zakryć Paviedamić