U prapahandysckich tok-šou ciapier zdymajecca i dačka Čamadanavaj
«Ja liču, što kanflikt pakaleńniaŭ — absalutna narmalna, jon pavinien być».
Temaj novaha vypusku tok-šou «DaNo», jakoje viadzie Ryhor Azaronak, stała prablema kanfliktu pakaleńniaŭ. U jaje abmierkavańni pryniali ŭdzieł niekalki viadomych asobaŭ z svaimi dziećmi. Siarod ich byłaja pres-sakratarka MUS, a ciapier načalnica hałoŭnaha ŭpraŭleńnia ideałahičnaj pracy i ŭ spravach moładzi Minharvykankama Volha Čamadanava razam sa svajoj dačkoju Lizavietaj.
Maci zapeŭnivała, što ŭ Biełarusi pracuje sistema vychavańnia pakaleńniaŭ, i pry hetym pahadziłasia z najaŭnaściu ŭ hramadstvie kanfliktu pakaleńniaŭ. «Heta toje, čaho absalutna nielha vyklučyć».
Studentka BDU Lizavieta Čamadanava padtrymała maci i vykazałasia ab tym, što najaŭnaść kanfliktu pakaleńniaŭ u niejkim sensie dobra.
«Ja liču, što kanflikt pakaleńniaŭ — absalutna narmalna, jon pavinien być. U niejkim sensie heta dobra, što jon prysutničaje. Bo kali ścirajecca hrań pamiž baćkam i dziciem, kali maci i dačka stanoviacca siabroŭkami, i dzicia pierastaje bačyć aŭtarytet, heta drenna adabjecca na budučym dziciaci».
Dziaŭčyna zapeŭniła, što i ŭ ich siamji jość kanflikt pakaleńniaŭ. «Jość mierkavańni, pa jakich my razychodzimsia», — skazała Lizavieta. Na heta jaje maci adreahavała: «Tak, my taksama spračajemsia. Ale jość toje, što dla nas nie padlahaje abmierkavańniu». Ale ŭdakładniać nie stała.
«My pryjdziem mienavita ŭ hetaje miesca, mienavita siudy». Volha Čamadanava raskazała, jak kreatyŭna sioleta buduć pravodzić vypusknyja
Eks-pres-sakratar MUS ździviła adkazam na pytańnie, ci varta błakavać sacsietki ŭ Biełarusi
«A što ty zrabiŭ dla Radzimy?» Dačka Ihara Sierhiejenki stanovicca publičnaj asobaj i chodzić u masoŭku da Azaronka
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»15
Kamientary