Ukrainskija drony na rasijskaj avijabazie ŭ Rastoŭskaj vobłaści trapili ŭ anhar z samalotami
U vyniku ŭdaru ŭkrainskich dronaŭ pa avijabazie ŭ Marozaŭsku Rastoŭskaj vobłaści ŭ noč na 14 červienia paškodžanyja samaloty na vajskovym aeradromie i elektrapadstancyja. Pra heta śviedčać spadarožnikavyja zdymki servisu Planet.com, na jakich bačnyja ślady pažaru i razburany anhar.

Spadarožnikavy zdymak avijabazy za 14 červienia 2024 hoda
U anhary, jak možna ŭbačyć na fotazdymkach, znachodzilisia jak minimum 2 źniščalniki-bambaviki Su-34. Jašče niekalki takich samalotaŭ, jakija stajali na adkrytym pavietry, vierahodna, atrymali paškodžańni.

Spadarožnikavy zdymak avijabazy za 4 červienia 2024 hoda
Taksama spadarožnikavy zdymak zafiksavaŭ pažar na elektrapadstancyi, dzie ŭpaŭ jašče adzin bieśpiłotnik.
Raniej paviedamlałasia, što nad Rastoŭskaj vobłaściu nočču na 14 červienia nibyta źbili 70 dronaŭ.
Kamientary