Polski ŭrad nie staŭ davać svaim pamiežnikam «licenziju na zabojstva»
Z tekstu papravak u zakon, jakija pavinny spraścić polskim vajskoŭcam achovu miažy ź Biełaruśsiu, vyklučyli punkt ab adsutnaści pakarańnia za prymianieńnie zbroi nasupierak praviłam. Pieršapačatkovy tekst papravak, dzie hety punkt byŭ, mocna krytykavali pravaabaroncy, nazyvajučy dakumient «licenzijaj na zabojstva», piša Most.
Jak piša Gazeta Wyborcza, ciapier urad razhladaje prajekt dakumienta, jaki dazvalaje ŭžyvać zbroju ŭ niekalkich vypadkach, jakija tyčacca parušeńnia miažy.
Pa-pieršaje, dla samaabarony abo abarony, kali isnuje pahroza žyćciu, zdaroŭju abo svabodzie sałdat, supracoŭnikaŭ palicyi, pamiežnaj słužby i inšych asob.
Pa-druhoje, pry nieabchodnaści supraćstajać čałavieku, jaki nie padparadkoŭvajecca patrabavańniu nieadkładna skłaści zbroju, admovicca ad vykarystańnia vybuchovaha rečyva abo inšych niebiaśpiečnych pradmietaŭ, jakija mohuć stvaryć pahrozu žyćciu i zdaroŭju.
Tekst papravak pavinien budzie jašče razhledzieć Siejm.
Pra pašyreńnie mahčymaściaŭ pa ŭžyvańni zbroi na miažy ź Biełaruśsiu ŭ Polščy zahavaryli paśla śmierci sałdata Matevuša Sitaka: jon zahinuŭ ad nažavoha ranieńnia, naniesienaha mihrantam na miažy.
A ŭvohule, sprečki ab pašyreńni mahčymaściaŭ prymianiać zbroju suprać mihrantaŭ uźnikli paśla taho, jak stała viadoma pra zatrymańnie ŭładami vajskoŭcaŭ, jakija ŭžyli zbroju, sprabujučy strymać bujnuju hrupu mihrantaŭ u sakaviku.
U polskich śledčych moža być DNK čałavieka, jaki śmiarotna paraniŭ pamiežnika na miažy ź Biełaruśsiu
U polskich uładaŭ jość fota zabojcy polskaha pamiežnika, jaki zahinuŭ na biełaruskaj miažy
Zabojstva žaŭniera Polšča nie vybačyć. Łukašenka pravakuje surjozny kanflikt
Stała viadoma imia polskaha sałdata, jaki zahinuŭ na miažy ź Biełaruśsiu
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary