Rasija vykarystoŭvaje dla pieravozu piachoty holf-kary i biełaruskija matacykły. Ad hetaha straty rastuć
Niedachop broniatechniki prymusiŭ rasijskija vojski pierasieści na kvadracykły.
Jak piša Forbes, adčuvajučy ciažkaści z zamienaj źniščanaj ci paškodžanaj bronietechniki, rasijski bok asnaščaje ŭsio bolš svaich padraździaleńniaŭ hramadzianskimi mašynami, u tym liku kvadracykłami Desertcross 1000-3 kitajskaj vytvorčaści, a taksama kitajskimi i biełaruskimi matacykłami.
Jak zaŭvažaje vydańnie, suprać ukrainskich vojskaŭ, jakija akapalisia i padtrymlivajucca artyleryjaj i bieśpiłotnikami, u rasijan na kvadracykłach i matacykłach niama ni adzinaha šanca.
Vyhladaje na toje, što asnaščeńnie kvadracykłaŭ i matacykłaŭ śpiecyjalnymi karkasami dla abarony ad dronaŭ nie vielmi dapamahaje. Heta zapavolvaje prasoŭvańnie techniki, jakaja i tak niedastatkova mahutnaja, što robić jaje bolš uraźlivaj dla inšaj ukrainskaj zbroi.
OMG. Russian Desertcross with enormous anti drone cage. How do we call this Russian contraption? pic.twitter.com/eKmJqSOrxc
Tak, 15 lipienia ŭ rajonie Kupianska ŭkrainskija vojski źniščyli pa mienšaj miery piać rasijskich holf-karaŭ, jakija pieravozili piechacincaŭ. I heta tłumačyć, čamu rastuć straty rasijskaha boku.
Pa infarmacyi Ministerstva abarony Vialikabrytanii, straty Rasii na vajnie dasiahnuli maksimumu. Tak u mai ŭ siarednim u dzień było zabita ci paraniena 1262 čałavieki, u červieni — 1163. Usiaho z 1 maja pa 30 červienia rasijanie stracili bolš za 70 tysiač čałaviek.
Nakolki apraŭdany abmien tysiačy sałdataŭ u dzień na niekalki mietraŭ prasoŭvańnia — na heta pytańnie, jak zaŭvažaje vydańnie, moža adkazać tolki Pucin.
Ciapier čytajuć
Łatuška pieramoh usich na vybarach u Kaardynacyjnuju radu13
Łatuška pieramoh usich na vybarach u Kaardynacyjnuju radu
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary
Hołosłovnyje kakije to utvierždienija.