Detali pieramovaŭ nie ahučvajuć.
18 lipienia Śviatłana Cichanoŭskaja praviała pieramovy z premjer-ministram Vienhryi Viktaram Orbanam. Dypłamatyčny jaje daradca Dzianis Kučynski paviedamiŭ «Lusterku», što sustreča ź Viktaram Orbanam prajšła na palach samitu Jeŭrapiejskaj palityčnaj supolnaści.
Jon adbyŭsia 18 lipienia ŭ Blenchiejmskim pałacy kala haradka Vudstok ŭ Vialikabrytanii.
Sa słoŭ Kučynskaha, Cichanoŭskaja i Orban praviali paŭnavartasnyja pieramovy, ale ich padrabiaznaści dypłamatyčny daradca nie raskryŭ.
Vienhryja łajalna stavicca i da Uładzimira Pucina, i da Alaksandra Łukašenki. Kiraŭnik MZS hetaj krainy Piotr Sijarta trojčy naviedvaŭ Biełaruś paśla 2020 hoda. U krasaviku 2022 hoda Alaksandr Łukašenka nakiravaŭ telehramu Viktaru Orbanu, pavinšavaŭšy «z čarhovaj pierakanaŭčaj pieramohaj» jaho kaalicyi Fides — CHDNP na parłamienckich vybarach.
U ramkach samitu Jeŭrapiejskaj palityčnaj supolnaści Śviatłana Cichanoŭskaja sustrełasia taksama z prezidentami Francyi Emaniuelem Makronam, Małdovy Majaj Sandu, premjer-ministrami Polščy Donaldam Tuskam, Łatvii Evikaj Siliniaj i inšymi jeŭrapiejskimi palitykami.
Kamientary