Iłan Mask zajaviŭ, što zhubiŭ syna z-za błakataraŭ pałavoha vyśpiavańnia
Pieražyvańni miljardera z radaściu padchapiła rasijskaja prapahanda.
Miljarder Iłan Mask u intervju vydańniu Daily Wire zrabiŭ hučnuju zajavu. Pa słovach mužčyny, jaho syn Ksaŭje «zabity virusam vaŭkizmu» (abudžeńnie — anhł. wokeism — termin, jaki vykarystoŭvajecca ŭ značeńni «ŭśviadomić siabie jak asobu, u jakoj jość pravy»).
Starejšy syn Maska Ksaŭje adčuvaŭ siabie žančynaj. I ŭ červieni 2020 hoda, paśla taho jak jamu spoŭniłasia 18 hadoŭ, jon padaŭ dakumienty na źmienu imieni. Jon uziaŭ sabie žanočaje imia i dziavočaje proźvišča maci, staŭšy Vivijan Uiłsan (Vivian Wilson). Taksama starejšaje dzicia miljardera zajaviła, što nie choča mieć nijakich suviaziej ź bijałahičnym baćkam.
Mask zajaviŭ, što jaho, pa sutnaści, padmanam prymusili padpisać dakumienty z dazvołam na pryjom jaho starejšym synam błakataraŭ pałavoha vyśpiavańnia, arhumientujučy heta tym, što ŭ advarotnym vypadku ŭsio moža skončycca samahubstvam.
“I was tricked into doing this… the people promoting this should go to prison.” @ElonMusk opens up to @JordanBPeterson about gender ideology's impact on his son, Xavier. pic.twitter.com/1bdILGNdJE
Pa słovach Maska, kali jon davaŭ zhodu na terapiju syna, jamu nie patłumačyli, što leki, pa sutnaści, ujaŭlajuć saboj «preparat dla sterylizacyi».
Miljarder padkreśliŭ, što paśla historyi z synam «paklaŭsia źniščyć virus vaŭkizmu», a ludzi, jakija heta ździejśnili ź jaho synam, «pavinny sieści ŭ turmu».
Rasijskaja prapahanda, dla jakoj ŁHBT heta jak jaŭrei dla nacystaŭ, radasna ŭchapiłasia za vykazvańni Maska.
Spačuvańni Masku vykazała i Volha Bondarava, jakaja čarhovy raz nakinułasia na «minkulty i pradziusierskija centry», jakija «praz tyktoki, jutuby, instahramy» «ulivajuć atrutu ŁHBT i prapahandy narkotykaŭ» u dušy dzieciam.
U Iłana Maska, jaki viadzie ekstravahantny ład žyćcia, 12 dziaciej ad troch roznych žančyn. Adno ź ich pamierła ŭ malenstvie.
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Kamientary
A ŭ pieranosnym sensie - STRACIĆ!