Hramadstva

Stali viadomyja proźviščy piaci palitviaźniaŭ, vyzvalenych pa pamiłavańni paśla 7 listapada

7 listapada ŭłady vypuścili pa pamiłavańni jašče 31 palitviaźnia. Ich imiony nie paviedamlalisia aficyjna.

Ciapier Juryj Vaskrasienski na strymie ŭ Azaronka ahučyŭ imiony niekatorych ź ich. Heta Alaksandr Bojka, Alaksiej Jaraševič, Kaciaryna Šablinskaja-Ivanova, Eduard Isajeŭ, Bielamuk (z takim proźviščam jość dva palitviaźni, Dźmitryj i Jaŭhien, nieviadoma, chto ź ich na svabodzie).

Alaksandr Bojka byŭ zatrymany letaś. U prymusovym videa siłavikoŭ jon kazaŭ, što źniaŭ videa z vajskovaj technikaj i vykłaŭ heta ŭ telehram-čat. Bojku abvinavacili pavodle č. 1 art. 361-4 KK (sadziejničańnie ekstremisckaj dziejnaści) i asudzili na 2,5 hoda pazbaŭleńnia voli.

Alaksieju Jaraševiču dali 2 hady chimii pa abvinavačańni ŭ abrazie Łukašenki (č. 1 art. 368 KK).

Adrazu try artykuły inkryminavali Kaciarynie Šablinskaj-Ivanovaj — art. 130 (raspalvańnie inšaj sacyjalnaj varožaści), č. 3 art. 361 (zakliki da sankcyj), art. 342 (aktyŭny ŭdzieł u hrupavych dziejańniach, hruba parušajučych hramadski paradak).

Eduard Isajeŭ byŭ pracaŭnikom «Hrodna Azota». Jaho zatrymali ŭ 2022-m i prysudzili 3,5 hoda kałonii. Mužčynu abvinavacili ŭ abrazie Łukašenki i paklopie na jaho (art. 368 i 367 KK).

Ź lipienia pa listapad paśla ŭkazaŭ Łukašenki na volu vyjšli 146 čałaviek.

Siarod vyzvalenych pa pamiłavańni ŭ listapadzie 29 mužčyn i 2 žančyny. Paviedamlałasia, što 17 palitviaźniaŭ, jakich zakranuła pamiłavańnie, majuć chraničnyja zachvorvańni, troje majuć invalidnaść. 27 čałaviek majuć dziaciej, 7 — šmatdzietnyja baćki. 

Kamientary

Ciapier čytajuć

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony

Usie naviny →
Usie naviny

Ministr abarony Izraila: Paleścinskaj dziaržavy nikoli nie budzie10

«Nie možam trapić u Biełaruś». Utvaryłasia čarha na łatvijskaj miažy, aŭtobusy stajać ź viečara4

Na vajnie zahinuŭ polski palicejski, jaki vajavaŭ na baku Rasii5

«Ty sieła ŭ turmu i nie padumała pra mianie». Łarysa Ščyrakova pra pačućcio viny pierad synam4

Kiraŭnik BRSM staŭ hałoŭnym ideołaham Minska4

Budaŭnictva mietro ŭ Šabany paličyli niemetazhodnym?

Stali viadomyja novyja detali ŭ maštabnaj spravie arhanizataraŭ kancertaŭ5

Pašyreńnie mietro, znos staroj zabudovy. Padviali vyniki abmierkavańnia novaj redakcyi hienpłana Minska1

Kožny šosty naftavy tankier u śviecie naležyć da rasijskaha «cieniavoha fłotu»1

bolš čytanych navin
bolš łajkanych navin

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony

Hałoŭnaje
Usie naviny →

Zaŭvaha:

 

 

 

 

Zakryć Paviedamić