Kazachstan naroščvaje pastaŭki nafty ŭ Hiermaniju praz trubapravod «Družba». Pra heta piša vydańnie kapital.kz sa spasyłkaj na pres-słužbu Ministerstva enierhietyki Kazachstana.
«Kazachstan zaviaršaje 2024 hod z prahnozam pastavak nafty ŭ Niamieččynu praz trubapravod «Družba» na ŭzroŭni 1,4 miljona ton. Pa vynikach 10 miesiacaŭ užo transpartavana kala 1,2 młn ton nafty», — adznačajecca ŭ infarmacyi ministerstva.
U viedamstvie dadali, što takija vyniki demanstrujuć ustojlivaść kazachstanskaha naftavaha siektara i paćviardžajuć stratehičnaje značeńnie supracoŭnictva z Hiermanijaj u enierhietyčnaj śfiery.
U 2023 hodzie Kazachstan pastaviŭ Hiermanii praz trubapravod «Družba» 993 tysiačy ton nafty. Sioleta płanavałasia naraścić abjom da 1,2 miljona ton nafty, ale płan byŭ vykanany za 10 miesiacaŭ, u suviazi z čym da kanca hoda čakajecca dasiahnieńnie novaha pakazčyka — 1,4 miljona ton.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony9
Kamientary