Tavarnyja znaki niekali bujnoj sietki tavaraŭ dla dziaciej vystavili na aŭkcyjon. Infarmacyja ab hetym źjaviłasia na placoŭcy IPM-tarhi.
Na tarhach pradaduć 30 tavarnych znakaŭ kampanii «DPM», u tym liku niekalki tavarnych znakaŭ z najmieńniem sietki, a taksama vyjava busła.
Pačatkovaja cana łota — 74 280 rubloŭ. Minimalnaja cana — 70 566 rubloŭ.
U 2024 hodzie ŭsie kramy kaliści najbujniejšaj sietki dziciačych tavaraŭ zakrylisia.
Sietka «Buślik» była zasnavanaja biełaruskim biznesmienam Siarhiejem Misiačenkam, pastupova jana stała najbujniejšaj u Biełarusi ŭ siehmiencie dziciačych tavaraŭ. Ale ŭ 2023 hodzie ŭ sietcy pačalisia prablemy, jaje vyručka padała ciaham usiaho hoda.
U kastryčniku polski inviestar sietki, kampanija CDRL, paviedamiŭ pra «stratu kantrolu» nad daččynaj kampanijaj u Biełarusi i pahrozu jaje bankructva. U CDRL taksama zajavili pra śpisańnie praterminavanaj debitorskaj zapazyčanaści sietki ŭ pamiery 1,7 młn złotych (bolš za 400 tys. dalaraŭ) i prypynieńni dalejšych pastavak tavaraŭ u Biełaruś.
Miesca «Buślika» na biełaruskim rynku zaniała sietka «Dzietmir» — «dačka» rasijskaha «Dietskoho mira».
Kamientary