15 lutaha paśla praciahłaj chvaroby pamior biełaruski krajaznaviec, nastaŭnik, siabra niekalkich hramadskich arhanizacyj z horada Dziatłava Hrodzienskaj vobłaści Valery Pietrykievič, paviedamlaje radyjo «Racyja».
Valery Pietrykievič naradziŭsia 6 vieraśnia 1946 hoda ŭ miastečku Lubča na Navahradčynie. Značnaja častka jaho žyćcia była źviazanaja ź miastečkam Valeŭka, dzie pracavaŭ jahony baćka Michaił Pietrykievič — krajaznaviec, jaki stvaryŭ tam znakamity muziej.
Bolšaja častka bijahrafii Valeryja Pietrykieviča nieparyŭna źviazanaja ź Dziatłaŭskim rajonam, dzie jon nastaŭničaŭ i rupliva pracavaŭ na nivie biełaruščyny. Nastaŭnik fizkultury (a Pietrykievič byŭ u maładości mocnym spartoŭcam pa roznych vidach) vychavaŭ nie adno pakaleńnie biełaruskich patryjotaŭ u svaim rehijonie. Mienavita pa jaho inicyjatyvie i čynnym udziele byli ŭstalavanyja roznyja pamiatnyja znaki na Dziatłaŭščynie — na radzimie Ihnata Dvarčanina, Viačasłava Adamčyka dy ŭ inšych admietnych miescach.
Valery Pietrykievič byŭ aktyŭnym siabram Tavarystva biełaruskaj movy, Aśvietnickaha hramadskaha abjadnańnia «Fond imia Lva Sapiehi», krajaznaŭčych supołak, ciesna supracoŭničaŭ ź biełaruskimi piśmieńnikami.
Mienavita jon zasnavaŭ štohadovy abłasny litaraturna-muzyčny fest u vioscy Začepičy. A voś apošniuju zadumku, kab pastavić u Dziatłavie pomnik Kanstancinu Astrožskamu, ułady ździejśnić nie dali…
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary