Luty staŭ samym chałodnym miesiacam hetaha zimovaha siezonu i zdoleŭ dahadzić i śnieham, i marazami. A što ž abiacaje nam nadvorje ŭ apošnija zimovyja dni?
U pačatku budučaha tydnia praciahniecca pasłableńnie marazoŭ. Zima, jakaja pačałasia z adlihi, joju ž i zavieršycca. Viasna budzie rabić niaśmiełyja kroki, nahadvajučy, što jaje prychod nie za harami, raspavioŭ sinoptyk Dźmitryj Rabaŭ na ANT.
U pačatku tydnia ŭ bolšaści rajonaŭ budzie bieź istotnych apadkaŭ. Nočču i ranicaj słaby tuman, na asobnych učastkach daroh hałalodzica. Vilhotnaść da 80%. Viecier paŭdniova-ŭschodni, umierany. Tempieratura ŭ paniadziełak nočču ad -5°C pa zachadzie da -12°C pa ŭschodzie, u aŭtorak na 2-3°C ciaplej. Dniom u paniadziełak ad -2°C da -3°C, u aŭtorak ad -1°C u Viciebsku da +6°C u Hrodnie.
Bližej da siaredziny tydnia budzie pieravažać vobłačnaje z prajaśnieńniami nadvorje. Bieź istotnych apadkaŭ. Nočču ŭ sieradu ad 0 pa zachadzie da -8°C pa ŭschodzie, u dzionnyja hadziny da +3°C.
I, papiarednie, u pačatku druhoj pałovy tydnia ŭmovy nadvorja stanuć vyznačać atmaśfiernyja franty i vilhotnyja pavietranyja masy z paŭdniovaha zachadu Jeŭropy. U bolšaści rajonaŭ buduć karotkačasovyja apadki. Unačy ad -3°C da +3°C. udzień u čaćvier ad +1°C da +6°C, u piatnicu ad +1°C da +4°C.
U pieršyja vychadnyja sakavika na bolšaj častcy terytoryi krainy projduć apadki. Vilhotnaść da 70%. Nočču kala 0, u siaredzinie dnia ŭ subotu ad + 1°C da +4°C, u niadzielu ad 0 da +3°C.
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś3
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Kamientary