Što za macak začaravaŭ biełarusak prachodkami ŭ vitrynie ŭ adnych majtkach
Dniami ŭ sacsietkach biełaruskaha vytvorcy adzieńnia Mark Formelle źjaviŭsia rolik, jak u vitrynu kramy zamiest maniekiena pastavili maładoha mužčynu nu vielmi spartyŭnaha ciełaskładu. Z adzieńnia na im byli tolki majtki, škarpetki dy krasoŭki. Žyvy maniekien prymusiŭ havaryć pra siabie. «Trybuna» daviedałasia, chto jon.
Videa z rekłamnaj akcyjaj vyklikała burnuju reakcyju ŭ kamientarach. Voś niekatoryja ŭražańni žančyn:
- «Haspodź daŭ jamu ŭsio, akramia majho numara».
- «A tur pa Biełarusi budzie? Vorša vielmi čakaje».
- «Žachlivy servis — čamu nasuprać niama łaŭki?»
- «Papiaredźcie, kali łaska, u nastupny raz, kali budzie ŭ vas takaja vitryna i dzie jana budzie raźmieščanaja».
- «Patrabuju hetaha muskulistaha Apałona ŭ kožnuju kramu respubliki!»
- «Ni soramu, ni sumleńnia, ni adrasu kramy».
U instahramie kreatyŭ sabraŭ bolš za 100 tysiač padabajek. Vidavočna, što vialikuju cikavaść vyklikaŭ nie tavar na źnižkach, a mužčyna, jaki jaho prasoŭvaje. Dyk što za macak skaryŭ sercy biełarusak?
U vitrynie pa biehavoj darožcy špacyravaŭ 30-hadovy Devid Van Li — syn viadomaha bodzibiłdziera Uładzimira Van Li.
Apošni raspaviadaŭ, što jaho babula była danskoj kazačkaj, a dzied — kitajcam, jaki emihryravaŭ u Biełaruś razam z hrupaj cyrkačoŭ (i nibyta byŭ nastolki hnutkim, što moh źmiaścicca ŭ valizcy). Ad jaho siamji i dastałasia niezvyčajnaje proźvišča.
U 2009-m viadomy spartsmien, čempijon Biełarusi i trenier Uładzimir Van Li byŭ aryštavany za zbyt efiedrynu. Voś jak sam mužčyna raspaviadaŭ pra zatrymańnie:
«Moj klijent pryvioz ź Jehipta 4 tysiačy tabletak miedykamienta, jaki pradavaŭsia tam u luboj aptecy. Jon i ŭ nas raniej lehalna pradavaŭsia jak spartyŭnaje charčavańnie i vykarystoŭvaŭsia dla spalvańnia tłušču. Skrynka z tabletkami stajała ŭ mianie ŭ trenierskaj, pad stałom, usie pra heta viedali. Pryjšoŭ chłopiec, kupiŭ ich dvojčy. Akazałasia, jaho dasłała milicyja. I voś ja vychodžu z zały i čuju: «Lažać!» Braŭ mianie «Ałmaz», usio zdymali na videakamiery. Ja pamiataju, jak siadžu ŭ kajdankach u zale, pakul prachodzić pieratrus, i narešcie razumieju, nakolki ŭsio surjozna».
Uładzimir Van Li (na fota źvierchu — źleva) stvaryŭ u adnoj ź biełaruskich kałonij macoŭniu, sabraŭ vakoł siabie adnadumcaŭ, pravodziŭ spabornictvy i ŭ vyniku vyjšaŭ na volu raniej pryznačanaha (dali jamu vosiem hadoŭ) — u lutym 2013-ha.
Paśla vyzvaleńnia mužčyna praciahnuŭ zajmacca bodzibiłdynham, treniravać, pravodzić aŭtarskija kursy i sieminary. Nie tolki ŭ Biełarusi, ale i ŭ toj ža Rasii. Na siońnia ŭ instahramie treniera bolš za 60 tysiač padpisčykaŭ.
Na momant vyzvaleńnia baćki z kałonii synu Devidu było krychu bolš za 16 hadoŭ. Jon zachaplaŭsia honkami na rovary, ale davoli chutka pieraklučyŭsia na novy kirunak:
«U mianie była kamanda viełasipiedystaŭ BMX, nas viedali za miažoj, videa na YouTube nabirali pa 100 tysiač prahladaŭ. Ja kataŭsia na rovary siem hadoŭ, i tady dla mianie heta było sensam žyćcia… A ŭ bodzibiłdynh pajšoŭ, tamu što moj baćka jakraz viarnuŭsia z turmy. Jon nie chacieŭ, kab ja pačynaŭ zajmacca bieź jaho. Tamu pakul jaho nie było pobač, ja zachaplaŭsia BMX. A potym jon viarnuŭsia i prapanavaŭ mnie svaju dapamohu z treninhami. Jon nie prymušaŭ pampavacca — heta była maja ideja».
Jašče adnoj pryčynaj častych pachodaŭ u macoŭniu stała rasstavańnie ź dziaŭčynaj. Van Li-małodšy pryznavaŭsia, što treniravaŭsia vosiem razoŭ na tydzień i «časam tak stamlaŭsia, što prychodziŭ dadomu, spuskaŭ napałovu nahavicy i tak zasynaŭ na kanapie z uklučanym śviatłom».
U 2020-m bodzibiłdzier raspaviadaŭ, što paśla škoły sprabavaŭ atrymać prafiesijnuju adukacyju, ale ničoha z hetaha nie atrymałasia:
«Ja pasprabavaŭ vučycca ŭ mašynabudaŭničym i na prahramista. Usiudy adstojvaŭ svoj punkt hledžańnia i svaryŭsia. U mašynabudaŭničym ja złamaŭ ruku, kali kataŭsia na rovary, i nie moh by z traŭmaj praktykavacca na vučobie, tamu syšoŭ. U prahramavańni mnie nie spadabałasia śpiecyfika: navošta prahramistu čarčeńnie? Spačatku sprabavaŭ abaranić svajo mierkavańnie, a potym zrazumieŭ, što nie chaču, i całkam syšoŭ u sport».
Za vosiem miesiacaŭ treninhaŭ z baćkam Devid nabraŭ 20 kiłahramaŭ vahi. Chłopiec nie ŭtojvaje, što dapamahło kompleksnaje vykarystańnie chimii i spartyŭnaje charčavańnie. Razam ź bicepsam vielmi chutka rasła i aŭdytoryja sacsietkach. U adzin momant u instahramie mužčyna sabraŭ 100 tysiač padpisčykaŭ, pryčym ź niejkaj pryčyny šmat ludziej pryjšło z Brazilii.
Bodzibiłdzier dapamahaŭ raskručvać akaŭnty inšych ludziej, nie tolki spartsmienaŭ. SMM jon nazyvaŭ svaim chobi. U 2022-m Devid Van Li stvaryŭ novuju staronku (staraja na siońnia niedastupnaja) — viadzie jaje da hetaha času, majučy niekalki tysiač padpisčykaŭ. Tam šmat łukaŭ z zali. Na hetym videa možna pabačyć spartyŭnuju evalucyju — ad ravarysta-padletka da napampavanaj mary niekatorych biełarusak.
U sacsietkach Devid Van Li pakazvaje, jak i kaho treniruje. Čas ad času mužčyna zajmajecca razam z baćkam. U ich šmat sumiesnych fota. A voś kadraŭ z druhoj pałavinkaj nie vidać.
U adnym z daŭnich intervju mužčyna pryznavaŭsia, što padtrymlivaje svajho baćku ŭ krytycy hiej-prapahandy. Pytalisia spartsmiena-błohiera i pra kumiraŭ u sporcie. Akazałasia, ich dvoje — Arnold Švarcenehier i dydžej-kulturyst Tavi Kastra.
Raskazaŭ bodzibiłdzier i pra toje, jak paznajomiŭsia na vychadzie z dušu z Uładzimiram Vieramiejenkam, jaki nibyta sam vykazaŭ achvotu być padobnym da Van Li. I toj, niahledziačy na čatyry hryžy i vialikija prablemy z kaleniami ŭ eks-baskietbalista «Cmokaŭ» i zbornaj Biełarusi, dapamoh klijentu ŭ vyniku znajści šlach.
U minułym hodzie Van Li ŭdzielničaŭ u roznych spabornictvach pa bodzibiłdynhu. U tym liku ŭ Italii i Iranie, adkul viarnuŭsia z uznaharodami.
-
Jak skłaŭsia los kacianiaci, jakoha ratavać na darozie ŭ Breście spynilisia ŭsie kiroŭcy. Na žal, sumna
-
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami
-
U kvartale «Minsk Śviet» stvorać park
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami3
Kamientary
2. Zavidovať stydno!