Budučy kancler Hiermanii Frydrych Mierc vystupaje za pastaŭku vysokadakładnych kryłatych rakiet Taurus va Ukrainu, a jaho budučy kaalicyjny partnior — SDPH — u asnoŭnym hetyja płany adchilaje, piša Bild.
Adnak adno z pytańniaŭ u hetaj dyskusii, zdajecca, adychodzić na druhi płan: ci zdolnaja Hiermanija ŭvohule pastaŭlać takuju zbroju ŭ vialikaj kolkaści?
Ministr abarony Barys Pistoryus (SDPH) zajaviŭ na partyjnym mierapryjemstvie ŭ Hanoviery, što jość arhumienty na karyść pastavak, ale i «šmat važkich» arhumientaŭ suprać. Niekatoryja ź ich, pavodle jaho słoŭ, nielha abnarodavać.
Jon taksama vykazaŭ ździŭleńnie tym, što ŭ Hiermanii publična abmiarkoŭvajucca kankretnyja sistemy ŭzbrajeńniaŭ. Vidavočna, u Hiermanii isnuje «eratyčnaje pryciahnieńnie» da zbroi, dadaŭ jon ź ironijaj.
Pa acenkach, u VPS Hiermanii ciapier majecca kala 600 kryłatych rakiet Taurus KEPD-350, dakładnaja kolkaść zastajecca zasakrečanaj. Adnak tolki prykładna pałova ź ich ličycca bajazdolnaj, pakolki patrabujecca techničnaje abnaŭleńnie, a siertyfikacyja ŭžo skončyłasia.
Bundeśvier užo zaklučyŭ kantrakt z kampanijaj Taurus Systems GmbH na madernizacyju rakiet. Suma kantrakta składaje 150 miljonaŭ jeŭra, termin absłuhoŭvańnia — dziesiać hadoŭ. Pavodle źviestak ŚMI, Pistoryus taksama płanuje z 2029 hoda nabyć jašče 600 madernizavanych rakiet typu Taurus NEO.
Takim čynam, materyjalnaja baza dla pastavak Ukrainie majecca — kali tolki ŭrad zmoža damovicca. Ale zastajecca adna prablema: da hetaha času, prynamsi ŭ Hiermanii, ukrainskich vajskoŭcaŭ nie navučali pracy ź sistemaj Taurus — pavodle dadzienych Ministerstva abarony Bundestaha.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary