Siońnia nočču na lod u składzie «Vankuvier Kenaks» na matč suprać «San-Chase» vyjšaŭ 25-hadovy biełaruski hałkipier Mikita Tałapiła.
Mikita byŭ u sistemie «Vankuviera», ale hulaŭ u ACHŁ [druhaja pa značnaści liha ŭ Kanadzie i ZŠA — NN] za «Abatsford», jon niekalki razoŭ vyklikaŭsia ŭ «Kenaks», ale siadzieŭ na łaŭcy. I siońnia jon narešcie debiutavaŭ u NCHŁ.
«Vankuvier» pieramoh u aviertajmie — 2:1.
Biełarusa pryznali treciaj zorkaj hulni, jon adbiŭ 15 z 16 kidkoŭ.
Kanadski kłub nie prabiŭsia ŭ płej-of, jamu zastałosia pravieści adnu hulniu.
Mikita staŭ druhim hałkipieram ź Biełarusi, jaki debiutavaŭ u NCHŁ.
Pieršym biełaruskim bramnikam u NCHŁ byŭ Alaksiej Kołasaŭ, jaki ŭ kastryčniku zhulaŭ za «Fiładelfiju», i Mikita staŭ 18-m biełarusam, jaki zhulaŭ u najmacniejšaj lizie śvietu z 1992 hoda.
U hetym siezonie ŭ NCHŁ na lod vychodzili adrazu siem biełarusaŭ i heta rekord: Alaksiej Kołasaŭ («Fiładelfija»), abaroncy Uładzisłaŭ Kalačonak («Pitsburh»), Ilja Sałaŭjoŭ («Kałhary») i Arciom Leŭšunoŭ («Čykaha»), a taksama forvardy Alaksiej Protas («Vašynhton») i Jahor Šaranhovič («Kałhary»).
Chakieisty minskaha «Dynama» paśla treniroŭki z Łukašenkam dvojčy zapar biazvolna sastupili. Siońnia z 3:0 da 3:4
U padatkavaj pieraścierahli ad prodažu biletaŭ na chakiejnaje «Dynama»
Jahor Šaranhovič dasiahnuŭ adznaki 100 šajbaŭ u NCHŁ. Jon — treci biełarus z takim rekordam
U internecie pierapradajuć bilety na matčy chakiejnaha «Dynama» ŭ płej-of KCHŁ. U razy daražej
Trajuradnaja siastra Uejna Hrecki sa Śvisłačy raskazała pra padarunak ad lehiendarnaha kanadca i što padaryła jamu ŭ adkaz
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1414
Kamientary