Pa infarmacyi na hety momant, hramadzian Biełarusi niama siarod paciarpiełych u suviazi z apošnimi padziejami ŭ Iranie i Izraili. Pra heta BiełTA paviedamili ŭ Ministerstvie zamiežnych spraŭ Biełarusi.
«Dypłamatyčnyja pradstaŭnictvy Respubliki Biełaruś u zhadanych krainach praciahvajuć pracu. Dla apieratyŭnaha ŭzajemadziejańnia z suajčyńnikami funkcyjanujuć telefony ekstrannaj suviazi: Iran — +98 21 2275 2229, +98 912 215 2935, Izrail — +972 3 522 20 43», — havorycca ŭ paviedamleńni MZS.
«U Iranie farmirujecca śpis biełaruskich hramadzian, jakija vykazali žadańnie pakinuć terytoryju krainy. Viadziecca nieabchodnaja kaardynacyjnaja praca, u tym liku va ŭzajemadziejańni z rasijskim bokam. Infarmacyju pra hramadzian, jakija žadajuć evakujavacca, možna taksama nakiroŭvać na elektronny adras [email protected]. Prośba ŭkazvać poŭnyja piersanalnyja dadzienyja i dałučać kalarovyja kopii pašpartoŭ», — adznačyli ŭ MZS.
U Izraili va ŭmovach zakrytaha pavietranaha prastory zachoŭvajecca mahčymaść vyjezdu praz suchaputnuju miažu ź Jehiptam i Iardanijaj. «Uličvajučy, što bližejšaje pasolstva Respubliki Biełaruś znachodzicca ŭ Jehipcie, raim biełaruskim hramadzianam, jakija žadajuć pakinuć krainu, vyjazdžać ź Izraila praz KPP Taba (h. Ejłat)», — ukazali ŭ viedamstvie.
U Ministerstvie zamiežnych spraŭ nastojliva rekamiendujuć hramadzianam Biełarusi, jakija znachodziacca ŭ Iranie i Izraili, zachoŭvać spakoj, vykonvać miery asabistaj biaśpieki i stroha prytrymlivacca ŭkazańniaŭ i rekamiendacyj miascovych uładaŭ i pravaachoŭnych orhanaŭ.
-
U Polščy pačaŭsia sud nad bandaj padpalščykaŭ i handlaroŭ zbrojaj, jakich najmali rasijskija śpiecsłužby. Siarod abvinavačanych troje biełarusaŭ
-
U AAN zarehistravali skarhu byłoj palitźniavolenaj Łarysy Ščyrakovaj na prymusovuju departacyju ź Biełarusi
-
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary