Na bazie Respublikanskaha navukova-praktyčnaha centra (RNPC) psichičnaha zdaroŭja ŭ Minsku płanujuć adkryć śpiecyjalny centr dla lačeńnia anareksii. Jak paviedamiła dyrektarka centra Julija Kaminskaja, takaja ŭstanova patrebnaja, bo kolkaść pacyjentak z hetym zachvorvańniem raście, tamu patrabujecca asobnaje miesca dla kompleksnaj dapamohi im.
Pakul lačeńnie anareksii adbyvajecca ŭ adnym z adździaleńniaŭ RNPC. Pa słovach namieśnicy dyrektara pa miedycynskaj častcy Viktoryi Piatrovaj, siudy źviartajucca nie tolki biełaruskija pacyjenty, ale i ludzi z susiednich krain. U centry dapamahajuć pry roznych parušeńniach charčovych pavodzin — anareksii, bulimii i kampulsiŭnym pierajadańni.
Asnoŭny mietad lačeńnia — psichaterapija, jakaja ŭklučaje pracu ź psichołaham i siamiejnuju terapiju. Taksama centr supracoŭničaje ź Biełaruskim sajuzam žančyn: raspracoŭvajecca sacyjalny prajekt z udziełam maci chvorych dziaŭčat.
Jak adznačyła Kaminskaja, najčaściej siarod pacyjentak — maładyja žančyny i dziaŭčaty, jakija pierastajuć prymać siabie i pačynajuć paźbiahać ježy abo čyścić arhanizm roznymi sposabami. Stvareńnie asobnaha centra, na jaje dumku, dapamoža pavysić efiektyŭnaść lačeńnia.
Ci sapraŭdy čyściać arhanizm limonnaja vada i alej našča?
«Vielmi schudnieła, u mianie mocna vypirali kostki». Błohierka Liza Vietrava raskazała pra baraćbu z anareksijaj
«Žyvot uvieś čas byŭ uzduty, paśla staŭ źjaŭlacca pach hnijučaha cieła». Biełaruska, u jakoj byŭ razład charčovych pavodzin, raskazała, što jana pieražyła
«Za hod zhubiła bolš za 10 termakubkaŭ». Dźvie biełaruski — pra žyćcio ź sindromam deficytu ŭvahi, jaki pryniata abiasceńvać
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim34
Kamientary