Z Hiermanii adpravili pieršy departacyjny rejs u Afhanistan. Praciah budzie
Ułady Hiermanii departavali ŭ Kabuł 81 hramadzianina Afhanistana, asudžanych za ciažkija złačynstvy. Samalot užo pryziamliŭsia ŭ Afhanistanie. Heta pieršy departacyjny rejs pry novym kanclery Frydrychu Miercy, jaki viadzie palityku žorstkaha abmiežavańnia mihracyi, piša Bild.
Ciarod departavanych:
- 12 čałaviek, asudžanych za zabojstvy;
- 17 — za seksualny hvałt;
- bolš za 40 — za inšyja ciažkija złačynstvy z užyvańniem hvałtu;
- niekalki narkatyčnych złačyncaŭ.
Ahulny termin źniavoleńnia dla ŭsich razam pieravyšaje 200 hadoŭ.
U śpisie taksama fihuruje mužčyna, jaki ŭ 2019 hodzie razam z tryma saŭdzielnikami na praciahu niekalkich hadzin hvałtavaŭ 14-hadovuju dziaŭčynku ŭ centry dla biežancaŭ u Ilerkirchbierhu.
Ministr unutranych spraŭ Hiermanii Alaksandr Dobrynt zajaviŭ, što hetaja departacyja — častka novaha žorstkaha kursu ŭ palitycy biaśpieki, abvieščanaha ŭ ramkach kaalicyjnaj damovy. Pavodle jaho słoŭ, u Hiermanii niama i nie budzie prava na znachodžańnie dla złačyncaŭ, jakija ŭčynili asabliva ciažkija złačynstvy.
Dobrynt adznačyŭ, što departacyi buduć praciahvacca, i dla poŭnaha vyvazu ŭsich asob z padstavaj dla vysyłki moža spatrebicca jak minimum jašče 16 rejsaŭ.
Pavodle danych Centralnaha rehistra inšaziemcaŭ, pa stanie na 30 červienia ŭ Hiermanii znachodzilisia:
- 1710 afhancaŭ, jakich nieabchodna departavać nieadkładna;
- jašče 9462 afhancaŭ znachodziacca ŭ krainie nielehalna, ale pakul majuć adterminoŭku vysyłki.
Departacyju padtrymaŭ i ministr unutranych spraŭ Aŭstryi Hierchard Karnier, zajaviŭšy:
«Jeŭropa narešcie stanovicca bolš žorstkaj i paśladoŭnaj. My musim rašuča vydvarać złačyncaŭ i tych, chto ŭjaŭlaje pahrozu hramadstvu».
U Hiermanii rychtujuć skaračeńni sacyjalnych vypłat: biespracoŭnyja žyvuć lepš za tych, chto pracuje
Mierc zmoh pierakanać Trampa pry dapamozie «dypłamatyi čekavych knižak»
«Rasija pavinna kampiensavać Ukrainie 500 młrd jeŭra» — kancler Hiermanii Mierc
Hiermanija vyrašyła pakinuć historyju ŭ minułym i rychtavacca da vajny
«Heta ryzykoŭna, ale pakidać jak jość taksama nie varyjant». Frydrych Mierc padtrymaŭ udary ZŠA pa Iranie
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary