Navukoŭcy znajšli pachavańnie na samych staražytnych mohiłkach u Biełarusi
Archieałahičny siezon dla biełaruskich navukoŭcaŭ praciahvajecca niahledziačy na składanyja ŭmovy nadvorja. Jak iduć raskopki pasiarod voziera Sialava, raskazała rasijskaje vydańnie Sputnik.
U chodzie kompleksnaha daśledavańnia archieałahičnych pomnikaŭ na vostravie, što znachodzicca na voziery Sialava ŭ Krupskim rajonie, biełaruskija navukoŭcy prystupili da raskopak na haradziščy rańniaha žaleznaha vieku.
U papiarednija hady na terytoryi haradzišča archieołahi znachodzili staražytnyja pachavańni, u tym liku i samaje staražytnaje na biełaruskaj terytoryi, jakoje adnosicca da epochi miezalitu. Na haradziščy było vyjaŭlena i pachavańnie poźniaha niealitu, jakoje adnosicca da kultury šnuravoj kieramiki, a taksama pachavańnie dniepradźvinskaj kultury rańniaha žaleznaha vieku.
Letaś paśla dadatkovych pošukaŭ sukupnaść znachodak z hetaha abjekta dazvoliła historykam kazać pra toje, što heta samyja staražytnyja mohiłki na biełaruskaj terytoryi.
Staražytnaje pachavańnie
«Dla taho, kab udakładnić stratyhrafiju abjekta, zalahańnie abjektaŭ pa płastach, prasačyć najaŭnaść materyjałaŭ kamiennaha vieku, byŭ zakładzieny raskop na haradziščy ŭ zonie, jakaja jašče nie daśledavałasia», — raskazaŭ navukovy supracoŭnik adździeła archieałohii pieršabytnaha hramadstva Instytuta historyi NANB Alaksandr Vašanaŭ.
Pa jaho słovach, na ŭzroŭni čaćviortaha płasta byli znojdzienyja častki škileta, u pryvatnaści asobnyja frahmienty čerapa, nižniaj skivicy, zub, častka trubčastaj kostki, fałanha palca.
Archieołah źviarnuŭ uvahu, što pakul nielha zusim dakładna kazać, što heta: razburanaje pachavańnie ci pieraadkładzienyja pareštki ź inšych słajoŭ.
Analiz DNK
«Pakul nie znojdzienyja materyjały, spadarožnyja pachavańniu. Znojdzienyja kieramika, mietaličnyja vyraby, u pryvatnaści, posachapadobnaja špilka, praślica», — raspavioŭ Alaksandr Vašanaŭ.
Jon udakładniŭ, što datavać znojdzienaje pachavańnie pakul nielha, ale znojdzienyja frahmienty škileta dazvalajuć pravieści analiz na DNK.
Pry hetym jon źviarnuŭ uvahu, što na haradziščy byli znojdzienyja pachavańni ad epochi miezalitu až da rańniaha Siaredniaviečča. Tamu datavańnie dapamoža pravieści znojdzieny zub, ź jakoha možna atrymać DNK.
Mahčyma, mienavita tut była viaźnica Kiejstuta. Archieołah pryadkryvaje sakrety Kreŭskaha zamka
U Biełarusi znajšli kaścianyja karali ŭzrostam 5 tysiač hadoŭ
U Budsłavie archieołahi adkapali staražytny padmurak kaścioła
Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju5
Kamientary