U Jeŭropie naradžalnaść na histaryčna najnižejšym uzroŭni. I navat prasiamiejnaja palityka nie dapamahaje
Kab nasielnictva Jeŭropy nie skaračałasia, na adnu žančynu pavinna prypadać u siarednim jak minimum dva dziciaci. Adnak apošnija danyja pakazvajuć, što naradžalnaść u Jeŭropie znachodzicca na histaryčna nizkim uzroŭni — 2024 hod staŭ adnym z najhoršych za apošnija dziesiacihodździ, paviedamlaje Euronews.
Hiermanija
Naradžalnaść u Hiermanii ŭpała da minimumu z 1994 hoda. Pavodle Fiederalnaha statystyčnaha ŭpraŭleńnia (Statistisches Bundesamt), nasielnictva nie skaraciłasia tolki dziakujučy mihracyi. Pry hetym śmiarotnaść pieravysiła naradžalnaść, a ahulny rost skłaŭ usiaho 0,1 % (121 000 čałaviek). U bahatych rehijonach, jak Bavaryja i Hamburh, nasielnictva raście, u biednych — padaje.
Aŭstryja
Rekordna nizkaja naradžalnaść — 77 238 dziaciej u 2024 hodzie — najmienšaja z momantu pačatku statystyki.
Italija
Nasielnictva skaračajecca, niahledziačy na prybyćcio 166 000 mihrantaŭ.
Koeficyjent naradžalnaści — 1,18, na kožnuju tysiaču čałaviek — 6 narodžanych, 11 pamierłych.
Kolkaść tych, chto vyjechaŭ (156 000), u try razy pieravysiła kolkaść tych, chto viarnuŭsia.
Francyja
Kaeficyjent naradžalnaści ŭ 2024 hodzie skłaŭ 1,62 — heta samy nizki pakazčyk z kanca Pieršaj suśvietnaj vajny. Adnak byŭ zafiksavany nievialiki pryrost: +17 000 čałaviek.
Dobraja navina — siaredniaja praciahłaść žyćcia dasiahnuła rekordu: 85,6 hoda ŭ žančyn i 80 — u mužčyn.
Anhlija i Uels
Adzinaje miesca, dzie naradžalnaść vyrasła — na 0,6%, pryčym dziakujučy baćkam va ŭzroście 60+ hadoŭ (rost na 14%).
Taksama vyrasła kolkaść dziaciej ad zamiežnych baćkoŭ — 40% u Anhlii i amal 20% u Uelsie.
Ispanija
Pavodle papiarednich danych, u 2024 hodzie naradžalnaść vyrasła na 0,4% (322 034 novanarodžanych). Ale ŭzrost maci pavialičvajecca: za 10 hadoŭ kolkaść maci 40+ uzrasła na 8,5%.
Finlandyja i Šviecyja
U Finlandyi kaeficyjent naradžalnaści źniziŭsia da 1,25 — heta najhoršy pakazčyk z 1776 hoda.
U Šviecyi — 1,43, što taksama histaryčny minimum.
U 169 z 290 municypalitetaŭ nasielnictva skaraciłasia.
Polšča i Vienhryja
Niahledziačy na prasiamiejnuju palityku ŭładaŭ, abiedźvie krainy pakazvajuć rezki spad.
U Polščy — kaeficyjent 1,1, amal u dva razy mienšy, čym u 1990 (1,9).
Siaredni ŭzrost maci ciapier 29 hadoŭ (raniej byŭ mienš za 23).
U Vienhryi naradziłasia 77 500 dziaciej — samy nizki pakazčyk u historyi (kaeficyjent naradžalnaści — 1,38).
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary