Heta zdajecca adzinaj realistyčnaj viersijaj hetaj trahiedyi
Adzinaja realistyčnaja viersija hetaha zdareńnia — atačeńnie Łukašenki pracuje suprać jaho.
Uładam vybuch adnaznačna niavyhadny: jon naŭrad ci adciahnie ŭvahu ad ekanamičnych prablemaŭ, i bolš za toje — u pałovy krainy ŭ hałavie na aŭtamacie spracavała dumka nakont pryčasnaści režyma da arhanizacyi terarystyčnaha aktu. Pahatoŭ, nie dla taho ŭłady pačali pastupova vyzvalać palityčnych viaźniaŭ pad vidavočnym ciskam mižnarodnaj supolnaści, kab stvarać štučnuju nahodu dla masavych represij suprać apazicyi. Chacia nikoli nielha niedaaceńvać stupień nieadekvatnaści taho, chto prymaje rašeńni ŭ siońniašniaj Biełarusi.
Za atakaj na mienskuju padziemku moh by stajać i chtości z aktyvistaŭ apazicyi, pahružanych u depresiju i frustracyju paśla taho, što ŭłada narabiła 19 śniežnia. Samachviarny Dźmitry Hałko paśla chvali represij i doŭhich sutak aryštu adčajnym žestam abvieściŭ haładoŭku — a chtości ŭ hety čas i z padobnymi adčajnymi dumkami moh rychtavać vybuchoŭku.
Chacia i heta viersija adkidajecca, zvažajučy na vidavočny prafiesijanalizm padryŭnika. I na toje, što anałahičny terarystyčny akt na 3 lipienia 2008 h., jaki niama nijakaj nahody nie stavić u adzin šerah z hetym zdareńniem, tak i zastaŭsia nieraskrytym.
Rasii ataka ledźvie moža być vyhadnaja: Kreml maje dastatkovy ŭpłyŭ i, hałoŭnaje, dastatkova času ŭ svaim rasparadžeńni, kab cisnuć na Łukašenku i dyktavać jamu svaje ŭmovy.
Viersii pra Zachad ci
Zastajecca, napeŭna, tolki adna racyjanalnaja viersija — atačeńnie biełaruskaha dyktatara, jakoje napružana pracuje suprać svajho bosa i jakoje na dadzieny momant źjaŭlajecca asiarodździem, dzie mohuć być realnyja hulcy, chacia b tearetyčna zdolnyja ažyćciavić źmienu ŭłady ŭ krainie.Terakt pieradusim bje pa reputacyi biełaruskaha kiraŭnika i stvaraje zapyt na biaśpieku, jakuju jon dać bolš nie moža.
Zvažajučy na mietady, tyja, chto mohuć nienadoŭha pryjści da ŭłady paśla Łukašenki, mohuć apynucca jašče horš za jaho.
Lišnie dadavać, što
pazaŭčora kančatkova patanuŭ mif pra Biełaruś jak vyspu stabilnaści.Biełaruś nie maje prablemnych rehijonaŭ z raspaŭsiudžanym sieparatyzmam ci relihijnym ekstremizmam, jak Rasija. Terarystyčny akt takoha maštabu nie zdaraŭsia ŭ jakojś inšaj stalicy krainy rehijonu — Varšavie, Vilnie, Kijevie ci Ryzie. Jon zdaryŭsia tolki ŭ Miensku. Bo
ŭ Biełarusi, u adroźnieńnie ad susiedziaŭ, panuje niekampietentnaja represiŭnaja dyktatura, pry jakoj śpiecsłužby naładžanyja dla baraćby suprać apazicyi, a nie suprać złačyncaŭ.
Ci moža zdarycca tak, kab hetyja ludzi choć ciapier uzialisia za hałavu? Najnoŭšaja historyja Biełarusi vučyć być piesimistam.
Vidavočna, što ŭłada znoŭ apyniecca ŭ razhublenaści i nie zdoleje zrabić niešta bolš efiektyŭnaje za jakujuś čarhovuju kampaniju pa tatalnaj daktyłaskapii ci čarhovaje zaciskańnie pravoŭ čałavieka ŭ krainie.
Daj nam Boža, kab takoha bolš nikoli nie paŭtaryłasia.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii8
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary