У Беларусі будзе ўведзеная крымінальная адказнасьць за прыпіскі. Пры гэтым невыкананьне плянавых паказчыкаў таксама лічыцца злачынствам.
Прэзыдэнт на нарадзе з кіраўнікамі Магілёўскай вобласьці й Шклоўскага раёну назваў прыпіскі «ганебнай зьявай». Праверкі КДК выявілі, што прыпісваюць па ўсёй краіне ў асабліва буйных памерах. У Шклоўскім раёне з правераных сямі гаспадарак прыпіскі выяўлены ў шасьці ва ўсіх сфэрах — у збожжы, бульбе, малацэ, кармах, пагалоўі жывёлы, па ўводзе ў эксплюатацыю жылых дамоў. Памеры прыпісанага таксама ўражваюць — яны складаюць тысячы тон, галоў, мэтраў.
«Трэба навучыць людзей працаваць як сьлед», — грозіць прэзыдэнт. Цяпер праверкі будуць праводзіцца стала. «Советская Белоруссия» пасьпела назваць гэты пэрыяд «пачаткам новага этапу дзяржаўнага будаўніцтва ў Беларусі». (Пра гэта ў фэльетоне Лёліка Ушкіна — старонка 24.)
Кола нібыта замкнулася: спачатку крымінальная адказнасьць была ўведзена за незабесьпячэньне прагнозных паказчыкаў, цяпер — за прыпіскі.
Цяпер чыноўнік раённага ўзроўню атрымаў «выбар»: быць пакараным за незабесьпячэньне прагнозных паказчыкаў, ці за прыпіскі. Апошняе менш страшна. За прыпіскі часам з пасады не здымаюць, бо яны выгадныя ўсёй герархіі чыноўнікаў. Прыпіска да прыпіскі з кожнага раёну — вось і прагнозныя паказчыкі выкананы.
Таму нічога ня зьменіцца — як прыпісвалі, так і будуць прыпісваць. Пры захаваньні дзеючай сыстэмы прыпісак ня выкараніш.
❏
У 7 правераных гаспадарках Шклоўшчыны былі выяўленыя прыпіскі 3,5 тыс. тонаў збожжа. Такім чынам, можна меркаваць, што ў маштабе краіны (усяго дзейнічае 2 325 сельгаспрадпрыемстваў) прыпіскі склалі 1 160 тыс. т. Размах!
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак2
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары