Еўрапейская кінаакадэмія і дзясяткі кінафестываляў з усяго свету патрабуюць вызвалення Таццяны Гацура-Яворскай
Еўрапейская кінаакадэмія, Берлінале, «Сандэнс» і IDFA, кінафестывалі ў Ратэрдаме, Карлавых Варах і Лейпцыгу, міжнародныя кінаасацыяцыі і арганізацыі далучыліся да закліка вызваліць Таццяну Гацура-Яворскую. Пад адкрытым лістом ужо падпісалася каля ста шасцідзесяці прадстаўнікой міжнароднай кінасупольнасці, у тым ліку яе лідараў. Праваабаронца, культурная актывістка і дырэктарка фестывалю WATCH DOCS Belarus утрымліваецца пад вартай з 5 красавіка.
«Мы заклікаем улады Рэспублікі Беларусь неадкладна і безумоўна вызваліць Таццяну Гацура-Яворскую, таксама як і іншых пазбаўленых волі абаронцаў правоў чалавека, — кажацца ў адкрытым лісце. — Вялікую трывогу ў нас выклікала інфармацыя аб узбуджэнні супраць Таццяны крымінальнай справы. Мы заклікаем урад Беларусі паважаць права Таццяны Гацура-Яворскай на свабоду выказвання і асабістую свабоду. Гацура-Яворская зрабіла значны ўнёсак у беларускую культуру і прасоўванне фундаментальных каштоўнасцяў, якія раздзяляе наша сусветная кінасупольнасць. Кінафестываль WATCH DOCS Belarus з’яўляецца часткай сям’і кінафестываляў аб правах чалавека. Мы не забудзем пра нашу любімую калегу Таццяну. Мы выказваем з ёй салідарнасць».
Спіс тых, хто падпісаўся пад адкрытым лістом, папаўняецца. Да яго далучыліся прадстаўнікі кінасупольнасці сапраўды з усяго свету — Італіі, ЗША, Філіпінаў, Нарвегіі, Ган-Конгу, Гватэмалы, Малайзіі, Перу, Паўднёвай Карэі ды іншых.
Праваабаронца, дырэктарка кінафэсту WATCH DOCS Belarus, кіраўніца арганізацыі «Звяно» была затрыманая 6 красавіка, хутка пасля адкрыцця прысвечанай медыкам выставы «Машына дыхае, а я — не». Таццяна прызнаная палітвязнем.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак3
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары