Грамадства

Стала вядома, за што звольнілі дырэктарку Музея Янкі Купалы Алену Ляшковіч

Прычынай адстаўкі Алены Ляшковіч стала яе прынцыповая пазіцыя — экс-дырэктарка адмовілася звальняць сваіх супрацоўнікаў па надуманых «палітычных» прычынах, паведамілі Reform.by крыніцы з музейных колаў. Кіраўнік адной з самых вядомых у Беларусі культурных устаноў была звольненая з пасады 4 студзеня.

Яшчэ ў мінулым годзе імя дырэктаркі Музея Янкі Купалы, як і іншых спецыялістаў у музейнай сферы, прагучала ў вядомым тэксце Андрэя Мукавозчыка, апублікаваным у Sb.by. Як і іншых кіраўнікоў музейных устаноў, яе выклікалі для размовы ў ведамства культуры, дзе спадарыня Алена і выказала сваю пазіцыю. Кіраўніца адмовілася звальняць людзей, паведамілі крыніцы.

Таксама не быў сакрэтам той факт, што журналістка Наталля Лубнеўская, лаўрэатка прэміі Free Media Awards, з’яўляецца нявесткай Алены Ляшковіч. Гэты момант таксама мог адыграць сваю ролю, не выключаюць крыніцы.

Дырэктарцы дазволілі дапрацаваць да канца года, а потым звольнілі па ініцыятыве наймальніка.

Алена Ляшковіч кіравала дзейнасцю Літаратурнага музея Янкі Купалы 15 гадоў. За гэты час у музеі і філіялах былі створаныя новыя экспазіцыі, адной з першых у Беларусі музейная ўстанова задзейнічала ў экспазіцыйнай прасторы мультымедыйныя сродкі, музей быў ініцыятарам шматлікіх праектаў. Толькі за апошнія гады, дзякуючы ініцыятыве Алены Ляшковіч, памятныя знакі ў гонар Купалы з’явіліся ў фінскай Іматры, балгарскай Плісцы ды славацкай Браціславе.

«Алена Ляшковіч — адзін з найлепшых дырэктараў музеяў, — кажуць яе калегі са сферы. — І гэта вялікая памылка Міністэрства культуры, звальняць такога спецыяліста, тым больш у юбілейны год Песняра».

Алена Ляшковіч — лаўрэат шматлікіх дзяржаўных узнагарод: медаль Францыска Скарыны ў 2013-м, падзяка прэзідэнта краіны ў 2016-м, нагрудны знак Міністэрства культуры Рэспублікі Беларусь «За ўклад у развіццё культуры Беларусі», «Чалавек года ў сферы культуры» ў 2017-м. Як бачым, гэтыя ўзнагароды не аказаліся важнымі, калі прымалася рашэнне аб звальненні спецыялісткі.

Каментары

Цяпер чытаюць

На памятнай банкноце да гадавіны Перамогі змясцілі неіснуючую беларускую славутасць2

На памятнай банкноце да гадавіны Перамогі змясцілі неіснуючую беларускую славутасць

Усе навіны →
Усе навіны

«Белавія» ў абыход санкцый набыла ў Гамбіі тры самалёты Airbus у дрэнным стане3

«Як на корм свінням»: глядзіце, што цяпер з бульбай у Мінску6

У 11-гадовага хлопчыка ў руках выбухнула самаробная прылада

У Мінску адразу ў некалькіх раёнах знікла электрычнасць2

Прадукцыю «Беларуськалія» перайменавалі і прадаюць ЕС у абыход санкцый3

ІТ-група на 1000 чалавек у Мінску, што прывозіла Тыля Швайгера, сышла ў прастой і закрыла доступ у офіс9

У Літве на мяжы з Беларуссю пасля вучэнняў зніклі чацвёра амерыканскіх вайскоўцаў4

Б'янка распавяла, што зменшыла грудзі і зрабіла падцяжку твару9

«Робяць дарослы голас, хлусяць пра маму». Навошта мінскім школьнікам масава спатрэбіліся шчанюкі?2

больш чытаных навін
больш лайканых навін

На памятнай банкноце да гадавіны Перамогі змясцілі неіснуючую беларускую славутасць2

На памятнай банкноце да гадавіны Перамогі змясцілі неіснуючую беларускую славутасць

Галоўнае
Усе навіны →

Заўвага:

 

 

 

 

Закрыць Паведаміць