Справу супраць Ягора Марціновіча і Андрэя Скурко накіравалі ў суд
Ім імкрымінуюць нанясенне маёмаснай шкоды без прыкмет крадзяжу, учыненае групай асоб па папярэдняй змове, у буйным памеры.
Згодна з матэрыяламі справы, Скурко і Марціновіч, з'яўляючыся службовымі асобамі выдавецкага прадпрыемства, з мая 2017 года па чэрвень 2021 года ў кватэры, якая належыць Скурко, ажыццяўлялі прадпрымальніцкую дзейнасць.
«Пры гэтым абвінавачаныя не заключылі дамовы, якія прадугледжваюць разлікі за жыллёва-камунальныя паслугі па тарыфах для юрыдычных асоб», — паведамляе пракуратура.
Шкоду, нанесеную РУП «Мінскэнерга» і КУП «Мінскводаканал» у памеры звыш 10 тысяч рублёў, Скурко і Марціновіч кампенсавалі ў поўным аб’ёме.
Іх будуць судзіць па ч. 2 арт. 216 КК РБ «Прычыненне маёмаснай шкоды без прыкмет крадзяжу», што прадугледжвае абмежаванне волі да 5 гадоў ці зняволенне на той жа тэрмін.
Галоўнага рэдактара «Нашай Нівы» Ягора Марціновіча і кіраўніка аддзела рэкламы, аўтара «Нашай гісторыі» і дзіцячых часопісаў «Асцярожна: дзеці» і «Дуду» Андрэя Скурко затрымалі 8 ліпеня, тады ж адбыўся пагром у офісе, сайт быў заблакаваны. З таго часу Скурко і Марціновіч знаходзяцца за кратамі.
23 лістапада, у дзень 115-годдзя выдання, матэрыялы тэлеграм-канала і сацсетак «Нашай нівы» прызналі экстрэмісцкімі, а ўчора, 27 студзеня, стала вядома, што КДБ прызнала «Нашу Ніву» экстрэмісцкім фармаваннем.
Праваабаронцы прызналі Скурко і Марціновіча палітзняволенымі і лічаць абвінавачванні палітычна матываванымі. Іх вызвалення запатрабавала Беларуская асацыяцыя журналістаў і міжнародныя журналісцкія саюзы.
Крымінальныя справы на розных падставах заведзеныя супраць кіраўнікоў і журналістаў і іншых незалежных СМІ, у тым ліку Tut.by, БелаПАН, «Белсат», «Радыё Свабода», «Ежедневнік».
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ3131
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ31
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары