Сярод іх Ілля Вайцяховіч, які ехаў на пахаванне бацькі з-за мяжы, быў затраманы і атрымаў два гады калоніі за ўдзел у пратэстах. І былы журналіст БТ Дзмітрый Лукша.
Ілля Вайцяховіч. Фота: Snezhana Zelcha
Праваабаронцы прызналі палітвязнямі 11 чалавек.
Гэта Ілля Вайцяховіч, Іван Чарнаморчанка, Андрэй Лакцевіч, Алена Балтрукова, Іван Куляшоў, Іна Шырокая, Дар’я Верамейчык, Уладзіслаў Навіцкі, Дар’я Ляўко, Дзяніс Карэя-Ландзім, а таксама журналіст Дзмітрый Лукша.
Усе яны абвінавачваюцца па ч. 1 артыкула 342 Крымінальнага кодэкса («Групавыя дзеянні, якія груба парушаюць грамадскі парадак»), Лукша таксама абвінавачваны па арт. 369-1 КК — Дыскрэдытацыя Рэспублікі Беларусь).
Колькасць палітвязняў, прызнаных праваабаронцамі, дасягнула 1203 чалавек.
Каментары