Мінскі кінатэатр «Перамога» будуць рабіць мультыплексам з пяццю заламі
Ранейшая канцэпцыя рэканструкцыі кінатэатра «Перамога», якая прадугледжвала стварэнне трохзальнага кінатэатра, цяпер перагледжана. Пра гэта стала вядома падчас выязной нарады Мінгарвыканкама па пытанні яго рэканструкцыі. Цяпер вырашана арганізаваць яшчэ і дзве дадатковыя кіназалы.
Паводле новай канцэпцыі, «Перамога» стане сапраўдным мультыплексам з пяццю заламі, якія змогуць прыняць да 400 чалавек.
Па словах дырэктара КУП «Мінская спадчына» Аляксандра Кохана, вонкава кінатэатр амаль не зменіцца і захавае сваю назву.
«Гэта знакавы аб'ект для горада, помнік архітэктуры, пабудаваны каля 100 гадоў таму. Першапачаткова гэта быў клуб «Харчавік». Новую функцыю і знакавую назву «Перамога» аб'ект атрымаў пазней. Гэтая назва будзе захаваная.
Кінатэатр па сучасных тэндэнцыях кінаіндустрыі стане мультыплексам, але разам з тым захавае сваё гістарычнае аблічча. Вонкава ён практычна не зменіцца.
Цяпер будаўнічая гатоўнасць аб'екта — больш за 50%, выкананыя асноўныя работы па ўзмацненні падмуркаў, сцен, па канструктыўных элементах», — сказаў чыноўнік.
Будаўнічыя працэсы на аб'екце пачаліся ў лютым 2022 года.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў3
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары