У Мінску не хапае больш за 1800 медсясцёр і больш за 700 кухараў
Па стане на 1 красавіка розным арганізацыям Мінска патрабавалася 27,1 тыс. работнікаў, паведамляецца на сайце Камітэта па працы, занятасці і сацыяльнай абароне Мінгарвыканкама. З іх 60% вакансій (16,2 тыс.) — для працаўладкавання рабочых.
У топ самых запатрабаваных рабочых прафесій уваходзяць кухар (704 вакансіі), кіроўца аўтамабіля (604), прадавец (534), электраманцёр па рамонце і абслугоўванні электраабсталявання (506), слесар механазборачных работ (476), слесар-рамонтнік (468), токар (400), кантралёр-касір (384), рабочы па комплексным абслугоўванні і рамонце будынкаў і збудаванняў (369), маляр (263).
Са служачых больш за ўсё не хапае медыцынскіх сясцёр (1853 вакансіі), лекараў-спецыялістаў (1564), інжынераў (944), фельчараў (299), выхавальнікаў (187), бухгалтараў (149), эканамістаў (105), бібліятэкараў (90), інжынераў-праграмістаў (88), менеджараў (81).
Адзначаецца, што за першыя тры месяцы года ў сталічную службу занятасці звярнуліся 1066 мінчукоў, з якіх 654 чалавекі зарэгістраваныя ў якасці беспрацоўных.
Усяго ў працаўладкаванні мелі патрэбу 1730 чалавек, з іх 1119 беспрацоўных.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі10
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары