Уначы расейцы атакавалі поўдзень Украіны. Выбухі прагучалі ў Адэсе і Мікалаеве
Выбухі прагрымелі ў Адэсе і Мікалаеве пасля паведамлення аб паветранай трывозе. Трывога была абвешчаная ў сямі паўднёва-ўсходніх абласцях Украіны.
Кіраўнік Мікалаеўскай адміністрацыі Віталь Кім паведаміў пра пажар у Мікалаеве. Выбухі прагрымелі ў раёне нафтабазы ля порта ў Мікалаеве, пасля чаго там узнік буйны пажар.
Амаль праз дзве гадзіны пасля першых паведамленняў аб выбухах улады Адэскай і Мікалаеўскай абласцей папярэдзілі жыхароў аб магчымай ракетнай атацы. Пасля гэтага мясцовыя медыя пачалі паведамляць аб «прылётах», у тым ліку ў Адэскім порце.
Адэса і Мікалаеў — найбуйнейшыя партовыя гарады пад кантролем Украіны. З Адэскага марскога порта, у прыватнасці, выходзілі судны ў рамках збожжавай угоды, тэрмін якой скончыўся 17 ліпеня.
Апошні раз пра выбухі ў Адэсе ўкраінскія медыя паведамлялі тыдзень таму — 11 ліпеня.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары