На Камароўцы заўважылі мамордзіку. Што гэта такое і колькі каштуе?
Сёння чытачы выдання «Анлайнер» на Камароўцы наткнуліся на незвычайную ці то гародніну, ці то садавіну. Хутчэй, гэта два ў адным. Называецца гэтае дзіва мамордзікай, а ў народзе — горкай дыняй.
Мамордзіка вельмі распаўсюджаная ў азіяцкай кухні. Яе смажаць, тушаць, дадаюць у супы і салаты. У нас горкую дыню часцей за ўсё бяруць кітайцы. Беларусы ж дадаюць яе ў смузі, бо гародніна багатая на розныя вітаміны.
Дарэчы, у няспелым выглядзе мамордзіка лічыцца гароднінай і ўжываецца сырой. А як толькі паспее — робіцца садавіной.
У спелым выглядзе горкая дыня раскрываецца і робіцца ярка-аранжавай, усярэдзіне з'яўляюцца чырвоныя ягады, з якіх можна рабіць варэнне. Самі ягады смакам нагадваюць хурму.
У няспелым выглядзе мамордзіка як агурок з ноткай гарчынкі.
Калі мамордзіку памацаць, то яна вельмі далікатная, з прыемнымі пупырышкамі.
Што ж тычыцца цаны, то за адну стандартную штуку прадавец бярэ ад 12 да 15 рублёў, а маленькая мамордзіка каштуе 5-7 рублёў.
Чытайце таксама:
Незвычайны кабачок вырас у Баранавічах
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары
што значыць Лета скончылася? а баб'е?
і эта
чакаем на выступленія Жіра )