Расійскія СМІ паведамілі пра гібель генерала-маёра Узброеных сілаў Расіі Уладзіміра Завадскага. Верагодна, ён падарваўся на міне ў тыле расійскіх войскаў.
Пра смерць Завадскага 28 лістапада паведаміла ў сацсетцы «Укантакце» арганізацыя выпускнікоў Маскоўскага вышэйшага агульнавайсковага каманднага вучылішча «Крэмль». Увагу на публікацыю звярнулі журналісты выдання «Важные історіі».
Прычына смерці Завадскага ў тэксце не ўдакладняецца, аднак крыніца тэлеграм-канала «ВЧК-ОГПУ» сцвярджае, што генерал-маёр загінуў, падарваўшыся на міне ў тыле, «у аддаленні ад лініі баявога сутыкнення».
«Важные історіі» адзначаюць, што гэта ўжо 12-ы выпадак гібелі вышэйшых расійскіх вайсковых афіцэраў на развязанай Расіяй вайне супраць Украіны. Афіцыйна расійскія ўлады, праўда, прызналі толькі смерць сямі.
Уладзімір Завадскі быў намеснікам камандзіра 14-га армейскага корпуса УС РФ.
Пакуль што самы высокапастаўлены афіцэр УС РФ, забіты на гэтай вайне — намеснік камандуючага Паўднёвай вайсковай акругі генерал Алег Цокаў. Ён загінуў летам гэтага года ў Бярдзянску, як мяркуецца — пры ўдары па камандным пункце расійскай 58-й арміі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос7
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары