Хто той смелы мужчына, які пластмасавай стойкай спыніў масавага забойцу ў Сіднэі? І вось як ён дзейнічаў
Неадэкватнага чалавека з нажом, які забіў шэсць чалавек у гандлёвым цэнтры Сіднэя, спыніў француз Дам'ен Геро. Аўстралія, каб аддзячыць яму, надала яму грамадзянства. Вось што вядома пра Геро і як ён апісвае сітуацыю.
Як паведамлялася, 13 красавіка невядомы мужчына напаў з нажом на наведвальнікаў гандлёвага цэнтра, размешчанага непадалёк ад пляжа Бондзі ў аўстралійскім Сіднэі. Пазней з'явіліся кадры, як невядомы мужчына з металічнай пластыкаваю стойкаю ў руках перагарадзіў шлях злачынцу на эскалатары гандлёвага цэнтра.
Некаторыя СМІ паспелі, не без прапагандысцкіх мэтаў, назваць яго рускім ці ўкраінцам. Пазней высветлілася, што гэты смелы чалавек — француз Дам'ен Геро (Damien Guerot). Як мужчына расказаў журналістам, у момант падзей ён разам з калегам па працы і сябрам Сіляс Дэспро (Silas Despreaux) кіраваўся ў спартзалу, размешчаную ў гандлёвым цэнтры Westfield.
У нейкі момант яны ўбачылі злачынцу Джоэла Каўчы (Joel Cauchi), які бег да іх, і вырашылі паспрабаваць яго спыніць. Геро схапіў стойку агароджы і загарадзіў Каўчы дарогу. Той сумеўся і здаў назад.
Récompensé pour son acte héroïque, le Français #DamienGuerot se voit offrir la nationalité australienne pour avoir repoussé avec un poteau Joël Cauchi armé qui venait de tuer 5 femmes & 1 homme dans un centre commercial à Sydney.
Immense respect https://t.co/HFyH4tHo7J
«У яго былі пустыя вочы, адсутны погляд», — сказаў француз пра злачынцу. Дам'ен і Сіляс паспрабавалі кінуць у забойцу металічную тумбу, але не папалі. Тады француз схапіў крэсла кінуўся за Каўчы на ніжні паверх. Там злачынцу і застрэліла супрацоўніца паліцыі.
Як паведамлялася, у выніку нападу загінула 6 чалавек і 12 было паранена. Пазней стала вядома, што нападнік быў псіхічна хворы.
Дам'ену Геро 31 год. У Аўстраліі ён знаходзіўся па працоўнай візе, тэрмін дзеяння якой сканчаецца ў ліпені.
Гераічны ўчынак мужчыны быў ацэнены ўладамі Аўстраліі. У пятніцу, 19 красавіка, француз паведаміў, што ў выключным парадку атрымаў грамадзянства краіны.
"J'étais en fin de visa, je suis vraiment heureux d'obtenir la nationalité australienne mais c'est un sentiment un peu bizarre car malgré tout, il y a des gens qui sont en deuils. Je ne peux pas être vraiment heureux."
Attaque de Sydney : Damien Guerot dans #CLHebdo pic.twitter.com/BDYkpRtq9J
«У мяне сканчалася віза, я вельмі рады атрымаць аўстралійскае грамадзянства. Але гэта крыху дзіўнае пачуццё, таму што, нягледзячы ні на што, у многіх людзей гора. Таму шчасця не адчуваеш»,
— сказаў француз падчас шоу C l'hebdo на канале France 5.
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары