Асуджаная на два гады калоніі супрацоўніца EPAM Кацярына Глінская пасля вызвалення пакінула Беларусь
Супрацоўніца EPAM Кацярына Глінская, якую ў кастрычніку 2022 года прысудзілі да 2 гадоў калоніі за грубае парушэнне парадку (артыкул 342 КК), з'ехала з Беларусі. Пра гэта яна паведаміла ў сваім інстаграме.
«Прывітанне, дзівосны новы свет! Я вярнулася з апраметнай! Цяпер я ведаю, што такое пекла*! *месца, дзе дэманы вучацца маліцца», — напісала яна.
Паводле інфармацыі «Вясны», з калоніі яна выйшла ў красавіку. Мяркуючы па сацсетках дзяўчыны, цяпер яна ў Вільні.
14 кастрычніка 2022 года суд Партызанскага раёна Мінска прысудзіў Глінскую да двух гадоў калоніі па абвінавачванні ў грубым парушэнні парадку (артыкул 342 КК). У ліпені 2022 года відэа з супрацоўніцай IT-кампаніі EPAM, якая вярнулася з Літвы, апублікаваў праўладны тэлеграм-канал.
Сілавікі затрымалі яе разам з сястрой Юліяй, якую арыштавалі на 15 сутак. Па якім артыкуле, не ўдакладнялася, піша Медыязона.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары