Пасля новых санкцый ЗША даляр у Беларусі падаражэў, але толькі на 0,8 капейкі
Еўра вырас на 1,89 капейкі.
На таргах у Мінску 13 чэрвеня даляр падаражэў на 0,83 капейкі (0,92 працэнта) да 3,1971 беларускага рубля.
Еўра расце на 1,89 капейкі да 3,4470.
Учора Міністэрства фінансаў ЗША аб'явіла пра ўвядзенне санкцый супраць Маскоўскай біржы і яе ключавых структур — Нацыянальнага клірынгавага цэнтра і Нацыянальнага разліковага дэпазітарыя. Гандлёвая пляцоўка, а таксама НКЦ і НРД ўнесены ў SDN-list — самы жорсткі санкцыйны спіс, які забараняе любыя аперацыі, вынікае з рэлізу Упраўлення па кантролі за замежнымі актывамі. Паведамлялася, што таргі далярам і еўра на Маскоўскай біржы ад сёння будуць прыпыненыя, а яны ўплывалі і на таргі ў Беларусі.
Расійскі рубель вырас на 0,21 капейкі да 3,581 за 100 адзінак.
Юань падае на 3,63 капейкі да 4,3390 за 10 адзінак.
У пачатку года курсы былі наступныя:
даляр — 3,1775
еўра — 3,52
расійскі рубель — 3,4991
кітайскі юань — 4,4414
А найбольшы курс даляра ў гэтым годзе складаў 3,2809 (таргі 17 красавіка).
Лукашэнка: У 2020 годзе каля Палаца Незалежнасці не пакістанцы бегалі20
Каментары