Выйшла кружэлка сярэднявечнай музыкі.
Хуткае 600-годдзе Грунвальду не абмінае і музычныя колы. Выйшла кружэлка, пад вокладкай якой сабраныя арыгінальныя сярэднявечныя кампазіцыі ў выкананні маладых беларускіх гуртоў.
Усё ў досыць папулярным у Беларусі стылі «Медыяваль»: старажытныя танцавальныя рытмы пад дуду у выкананні капэлы Testamentum Terrae, сярэднявечныя песні сталых акампаніятараў рыцарскіх фэстаў LitvinTroll'я і «Ліцвінскага хмелю» — гуртоў, падобных назвамі, але розных стылямі рэканструкцыі страдаўняй музыкі. І вядома, колькі вясёлых кельцкіх напеваў, без якіх не абыходзіцца ніводная складанка ў сярэднявечным стылі. Традыцыйныя ірландскія мелодыі для дыску запісаў мінскі гурт Ceilidh Ceol.
Беларускіх мелодыяў на «Mediaval. Музыка сярэднявечных фэстаў» — няма. Але прадусарка кружэлкі і адна з кіраўнічак клуба «Рыцары Вялікага княства» Арына Вележ лічыць, што мелодыі з дыску гучалі ў эпоху Грунвальдскай бітвы на тэрыторыі Беларусі.
«Гэта агульнаеўрапейскі пласт музыкі, які проста не мог абмінуць Вялікае Княства Літоўскае, — кажа Арына Вележ. – Гэты пласт і дагэтуль яднае агульнаеўрапейскае кола прыхільнікаў».
Дадамо толькі, што дыск «Mediеval. Музыка сярэднявечных фэстаў» быў «абкатаны» музыкамі на рыцарскіх і медыявальных фестывалях сучаснай Беларусі. Такіх, як «Лошыцкі фэст», дзе ўдзельнікі не толькі б'юцца на мячах, але і танчаць даўнія танцы. І таму гэты дыск яшчэ — карысны дапаможнік арганізатару сярэднявечных імпрэзаў.
-
Ганна Бонд плюецца ад канцэрта Алега Маямі. Паспрабавала нават вярнуць грошы
-
Рэпер Пазнякс, які парваў інтэрнэт песняй пра гавайскую піцу, выпусціў з Мэйбі Бэйбі сумесны трэк «Жабінка-Гродна»
-
Фанаты Тэйлар Свіфт наваднілі музей у Германіі, каб пабачыць карціну, да якой спявачка зрабіла адсылку ў сваім новым кліпе
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця7
Каментары